ധനുഷിന്‍റെ ഹോളിവുഡ് ചിത്രo ‘ദി എക്‌സ്ട്രാഓര്‍ഡിനറി ജേര്‍ണി ഓഫ് എ ഫകീര്‍’ ൻറെ ട്രെയ്‌ലര്‍ എത്തി. കെന്‍ സ്‌കോട്ട് സംവിധാനം ചെയ്യുന്ന ചിത്രം റൊമെയ്‌ന്‍ പ്യുര്‍ടൊലസിന്‍റെ നോവല്‍ അടിസ്ഥാനമാക്കിയുള്ളതാണ്.
കോമഡി–അഡ്വഞ്ചർ വിഭാഗത്തിൽപ്പെടുന്ന ചിത്രം ഇംഗ്ലീഷിലും ഫ്രഞ്ചിലും റിലീസ് ചെയ്യുന്നുണ്ട്. രജനികാന്തിന് ശേഷം തമിഴില്‍ നിന്നും ഹോളിവുഡിലഭിനയിക്കുന്ന താരമാണ് ധനുഷ്.
ട്വിറ്ററിലൂടെ ചിത്രത്തിന്‍റെ ഫസ്റ്റ് ലുക്ക് പോസ്റ്ററും ട്രെയ്‌ലറും ധനുഷ് പങ്ക്‌വെച്ചു. സിനിമയുടെ ചില ഭാഗങ്ങളും സംവിധായകന്‍ ധനുഷിനെക്കുറിച്ച് പറയുന്ന കാര്യങ്ങളും ഉൾപ്പെടുത്തിയിട്ടുണ്ട്.