ഒരു കറുത്ത കമ്പളം പുതച്ചു തെരുവിലൂടെ നടന്നു പോകുന്ന ഒടിയൻ മാണിക്യൻ ആയുള്ള മോഹൻലാലിന്റെ ഒരു ഷോട്ട് മാത്രമാണ് ടീസറിൽ ഉള്ളത്. എന്നാൽ ടീസറിലെ ഗംഭീര പശ്ചാത്തല സംഗീതം ആരാധകരെ ആവേശത്തിലാക്കുന്നതാണ്. സാം സി എസ് ആണ് പശ്ചാത്തല സംഗീതം ഒരുക്കിയിരിക്കുന്നത്.
ആശീർവാദ് സിനിമാസിനു വേണ്ടി ആന്റണി പെരുമ്പാവൂർ ആണ് ഒടിയൻ നിർമ്മിച്ചിരിക്കുന്നത്. ഏപ്രിൽ അവസാനത്തോടെ ചിത്രീകരണം പൂർത്തിയായ ഒടിയൻ ഏറെ താമസിക്കാതെ തീയറ്ററുകളിൽ എത്തും.
മോഹൻലാൽ തന്റെ പേജിൽ പങ്കുവച്ച ഓടിയന്റെ ടീസർ ഇതിനോടകം 5 ലക്ഷത്തോളം ആളുകളാണ് കണ്ടത്.