മലയാളത്തിലെ ഏറ്റവും വലിയ മുടക്കുമുതലായ 100 കോടി ബജറ്റിൽ ഒരുങ്ങുന്ന മോഹൻലാൽ പ്രിയദർശൻ ചിത്രം പ്രഖ്യാപിച്ച് പ്രമുഖ നിർമാതാവും കോൺഫിഡൻറ് ഗ്രൂപ്പ് ചെയർമാനുമായ ഡോ. സി.ജെ റോയ്. “മരക്കാർ അറബിക്കടലിന്റെ സിംഹം” എന്ന് പേരിട്ടിരിക്കുന്ന ചിത്രം നിർമ്മിക്കുന്നത് ആൻറണി പെരുമ്പാവൂർ, സന്തോഷ് റ്റി കുരുവിള, ഡോ. സി.ജെ റോയ് എന്നിവർ ചേർന്നാണ്.
മുന്നണിയിലും പിന്നണിയിലും പ്രമുഖ നടൻമാരും ടെക്നീഷ്യൻസും അണിനിരക്കുന്ന ചിത്രമായിരിക്കും മരക്കാർ. ചിത്രത്തിന്റെ ഡിജിറ്റൽ പോസ്റ്റർ ഇന്ന് പുറത്തിറങ്ങി. മോഹൻലാൽ തന്റെ പേജിലൂടെ ചിത്രത്തിന്റെ പോസ്റ്റർ പങ്കുവച്ചു. നവംബർ ഒന്നിന് ചിത്രത്തിന്റെ ചിത്രീകരണം തുടങ്ങും.