അനില്‍ രാധാകൃഷ്ണ മേനോന്‍ സംവിധാനം ചെയ്യുന്ന കുഞ്ചാക്കോ ബോബന്‍ നായകനാകുന്ന പുതിയ ചിത്രം ദിവാന്‍ജിമൂല ഗ്രാന്‍പ്രി(ക്‌സ്) ട്രെയിലര്‍ പുറത്തിറങ്ങി. കലക്ടര്‍ പ്രശാന്ത് നായരും അനില്‍ രാധാകൃഷ്ണന്‍ മേനോനും ചേര്‍ന്ന് രചന നിര്‍വഹിച്ചിരിക്കുന്നത്. തൃശൂരിന്റെ പശ്ചാത്തലത്തില്‍ ഒരുങ്ങുന്ന സറ്റയര്‍ കോമഡി ത്രില്ലറാണ് ദിവാന്‍ജിമൂല ഗ്രാന്‍പ്രി(ക്‌സ്).
നെടുമുടി വേണു, നൈലാ ഉഷ, സിദ്ദിഖ്, വിനായകന്‍, സുധീര്‍ കരമന, ടിനി ടോം, നിര്‍മല്‍ ബാലാജി, ഹരീഷ്,തുടങ്ങിയ താരങ്ങള്‍ക്കൊപ്പം മഴവില്‍ മനോരമയിലെ ഒരു റിയാലിറ്റി ഷോ വിജയിയും പ്രധാന വേഷത്തില്‍ സിനിമയിലെത്തന്ന ചിത്രത്തിൽ ധാരാളം പുതുമുഖങ്ങളും അണിനിരക്കുന്നു.
അലെക്‌സ് ജെ. പുളിക്കലാണ് ഛായാഗ്രഹണം. ഗോപിസുന്ദർ സംഗീതം. മാര്‍സ് എന്റെര്‍ടെയിന്‍മെന്റിന്റെ ബാനറില്‍ മസൂദ് മുഹമ്മദും സഫീര്‍ അഹമ്മദും അനില്‍ രാധാകൃഷ്ണമേനോനും ചേര്‍ന്നാണ് ദിവാന്‍ജിമൂല ഗ്രാന്‍പ്രി(ക്‌സ്) നിര്‍മിക്കുന്നത്.