മാനാട് റിവ്യു

റിവ്യൂ: മാനാട്

• ഭാഷ: തമിഴ്

• സമയം: 174 മിനിറ്റ്

• വിഭാഗം: സയൻസ് ഫിക്ഷൻ ത്രില്ലർ

• തിയേറ്റർ: ഏരിസ് പ്ലസ്

റിവ്യൂ ബൈ: NEENU S M

• പോസിറ്റീവ്:

1. സംവിധാനം
2. കഥ, തിരക്കഥ, സംഭാഷണം
3. അഭിനേതാക്കളുടെ പ്രകടനം
4. ഛായാഗ്രഹണം
5. പശ്ചാത്തല സംഗീതം
6. ചിത്രസംയോജനം

• നെഗറ്റീവ്:

1. ശരാശരിയായ ഗാനങ്ങൾ

• വൺവേഡ്: പ്രേക്ഷകരെ മുൾമുനയിൽ നിർത്തുന്ന ഒരു മികച്ച സയൻസ് ഫിക്ഷൻ ത്രില്ലർ

• കഥയുടെ ആശയം: സുഹൃത്തിന്റെ വിവാഹത്തിൽ പങ്കെടുക്കാൻ വിദേശത്ത് നിന്ന് അബ്ദുൾ ഖാലിക് നാട്ടിലേക്ക് വരുന്നു. ഫ്ലൈറ്റിൽ വെച്ച് ഒരേ വിവാഹത്തിൽ പങ്കെടുക്കാൻ പോകുന്ന സീതാലക്ഷ്മിയെ അവൻ കണ്ടുമുട്ടുകയും ഇരുവരും വേഗത്തിൽ സുഹൃത്തുക്കളാകുകയും തുടർന്ന് അവർ അബ്ദുൾ ഖാലികിന്റെ സുഹൃത്തുക്കളോടൊപ്പം പോകാൻ തീരുമാനിക്കുകയും ചെയ്യുന്നു. എന്നാൽ ആ വിവാഹ ചടങ്ങിൽ അപ്രതീക്ഷിതമായ ചില കാര്യങ്ങൾ സംഭവിക്കുന്നു, കല്യാണം കഴിഞ്ഞ് മടങ്ങുന്ന വഴി അയാളുടെ കാർ അറിയാതെ ഒരു അപരിചിതനെ ഇടിക്കുന്നു പോലീസ് ഉടൻ സ്ഥലത്തെത്തുന്നു, ഡിസിപി ധനുഷ്‌കോടിയും സംഘവും ഖാലികിനെയും സുഹൃത്തുക്കളെയും അറസ്റ്റ് ചെയ്യുന്നു. താമസിയാതെ ഒരു പൊതുപരിപാടിയിൽ വെച്ച് തമിഴ്നാട് മുഖ്യമന്ത്രിയെ വധിക്കാൻ അയാൾ നിർബന്ധിതനാകുന്നു. മറ്റ് വഴികളില്ലാതെ ഖാലിഖ് മുഖ്യമന്ത്രിയെ വെടിവയ്ക്കുന്നു, ഒടുവിൽ പോലീസ് ഖാലിഖ്നെ വെടിവയ്ക്കുന്നു, വെടിയേറ്റ ആ സമയത്ത് തന്നെ അയാൾ തമിഴ്നാട്ടിൽ വന്ന അതേ വിമാനത്തിൽ തന്നെ ഉണരുന്നു. താൻ ഒരു ടൈം ലൂപ്പിൽ കുടുങ്ങിയതായി താമസിയാതെ അയാൾക്ക് മനസ്സിലാകുന്നു. ഈ ഗൂഢാലോചനയ്ക്ക് പിന്നിൽ പ്രവർത്തിച്ചവരെ കണ്ടെത്താനുള്ള ഖാലികിന്റെ യാത്രയാണ് ബാക്കി കഥയിൽ പറയുന്നത്.

• കഥ, തിരക്കഥ, സംവിധാനം, സംഭാഷണം എന്നിവയ്ക്കുള്ള വിശകലനം:

ഇന്ത്യൻ സിനിമയ്ക്കും തമിഴ് ഇൻഡസ്‌ട്രിക്കും ടൈം ലൂപ്പ് എന്ന ആശയം പരിചിതമായിരിക്കില്ല, ഹോളിവുഡിൽ ഇടക്കിടക്ക് മാത്രം കണ്ടുവരുന്ന ടൈം ലൂപ്പ് സിനിമകൾ ഓരോ തവണ വരുമ്പോഴും അതുല്യമായ എന്തെങ്കിലും കാണിക്കാറുണ്ട്. അടിസ്ഥാനപരമായി ടൈം ലൂപ്പ് എന്ന ആശയം തന്നെ സങ്കീർണ്ണമാണ്, അതിനാൽ ഒരു ലൂപ്പ് മൂവി ഒരുക്കാൻ ഒരു അധിക മികവ് ആവശ്യമാണ്, അതാണ് വെങ്കട്ട് പ്രഭു എന്ന സംവിധായകൻ തെളിയിച്ചത്, വെങ്കട്ട് പ്രഭുവിന്റെ മിടുക്കും സാമർത്ഥവും തെളിയിച്ച നിർവഹണമാണ് മാനാട്. വെങ്കട്ട് പ്രഭു സിനിമ നിർമ്മിച്ച രീതി ഞെട്ടിക്കുന്നതായിരുന്നു, സിനിമയുടെ അവസാന 20 മിനിറ്റ് കഴിഞ്ഞപ്പോൾ ഒരു എഡ്ജ് സീറ്റ് ത്രില്ലറിന്റെ യഥാർത്ഥ വികാരവും പ്രകമ്പനവും എനിക്ക് അനുഭവപ്പെട്ടു. അമ്പരപ്പിക്കുന്ന നിരവധി സംഭവങ്ങളും തുടരുന്ന സാഹചര്യങ്ങളും നിറഞ്ഞ ഈ സിനിമയുടെ ഇതിവൃത്തം തന്ത്രപരവും കടുപ്പമേറിയതുമാണ്, അതിനാൽ കഥയിലും തിരക്കഥയിലും അദ്ദേഹം നടപ്പിലാക്കിയ രീതികളും പ്രക്രിയയും ഒരു പോരായ്മയും കൂടാതെ സിനിമയെ മുന്നോട്ട് നയിക്കാൻ തികച്ചും സാധിച്ചു, അതുകൊണ്ട് തന്നെ എഴുത്തിലും മേക്കിംങിലും വെങ്കട്ട് പ്രഭു അതിശയകരമായ ജോലി ചെയ്തിട്ടുണ്ടെന്ന് തീർച്ചയായും പറയാൻ കഴിയും.

തിരക്കഥയിൽ മുഴുവൻ അഭിനേതാക്കൾക്കായി നൽകിയിട്ടുള്ള കഥാപാത്രരൂപീകരണവും പ്രകടനവും അസാധാരണമായി എഴുതിയിരിക്കുന്നു, ടൈം ലൂപ്പിൽ നായകനും വില്ലനും തമ്മിൽ നടക്കുന്ന വഴക്കുകൾ യഥാർത്ഥത്തിൽ കാണാനുള്ള ഒരു വലിയ കാഴ്ചയാണ്. സിനിമയിൽ എനിക്ക് ഇഷ്ടപ്പെട്ട ഒരു രസകരമായ കാര്യം, ആദ്യം വില്ലന്റെ പ്ലാനുകൾ ഒന്നൊന്നായി തകർക്കാൻ നായകൻ ശ്രമിക്കുന്നു പിന്നീട് വില്ലൻ നായകന്റെ യഥാർത്ഥ പ്ലാനുകൾ പഠിക്കുന്നു, പകരം അയാൾ നായകന് കടുത്ത പേരാട്ടങ്ങൾ കൊടുക്കുന്നു. ഈ വഴക്കുകളെല്ലാം ടൈം ലൂപ്പിന്റെ സഹായത്തോടെയാണ് സംഭവിക്കുന്നത്, അതിനാൽ ഇരുവരുടെയും പോരാട്ടം ശരിക്കും ആവേശകരമാണ്. അടുത്തതായി എന്ത് സംഭവിക്കും എന്നറിയാനുള്ള ആകാംക്ഷയാണ് മാനാടിനെ വ്യത്യസ്തമാക്കുന്നത്, ഓരോ സീൻ ബൈ സീനും എല്ലാവരേയും പിടിമുറുക്കുന്ന മാനസികാവസ്ഥയിൽ ആസൂത്രണം ചെയ്തിരിക്കുന്നു. ഒരു ടൈം ലൂപ്പ് ഓറിയന്റഡ് സിനിമ എന്ന നിലയിൽ, ഒരാൾക്ക് ആശയക്കുഴപ്പം തോന്നിയേക്കാം എന്നാൽ ഇവിടെ വെങ്കട്ട് പ്രഭുവിൽ നിന്നുള്ള ബുദ്ധിപരമായ രചനയും ശക്തമായ സംവിധാനവും കൊണ്ട് ഇത്തരത്തിലുള്ള ആശയക്കുഴപ്പങ്ങൾ ഒഴിവാക്കുകയും മുഴുവൻ സിനിമയിലെയും ഓരോ രംഗവും ആശയക്കുഴപ്പം ഉണ്ടാകാതെ, കൃത്യമായ വിശദാംശങ്ങളും വിശദീകരണങ്ങളും നൽകി, ടൈം ലൂപ്പിന്റെ തുടക്കം മുതൽ അവസാനിക്കുന്നത് വരെ ഒരു സാധാരണ പ്രേക്ഷകൻ മുതൽ ഈ വിഷയങ്ങൾ പരിചയമുള്ള ഒരാൾക്ക് വരെ സിനിമ എന്താണ് പറയാൻ ശ്രമിക്കുന്നതെന്ന് മനസിലാക്കാനും തിരിച്ചറിയാനും എളുപ്പത്തിൽ സാധിക്കുന്നു.

കഥയ്ക്കും തിരക്കഥയ്ക്കും അനുസൃതമായി നായക നടന്മാരുടെ അഭിനയ പ്രകടനങ്ങൾ ഫലപ്രദമായി ഉപയോഗിക്കാനുള്ള സംവിധായകന്റെ കഴിവാണ് ഇവിടെ മികച്ചു നിൽക്കുന്നത്. സിലംബരേശന്റെയും എസ്.ജെ.സൂര്യയുടെയും സ്‌ക്രീൻ സ്‌പേസ് തുല്യമായി നൽകിയിട്ടുണ്ട്, അവരുടെ ഫൈറ്റുകളും കോമ്പിനേഷൻ സീനുകളും കഥയ്ക്കനുസരിച്ച് കൃത്യമായി എടുത്തിട്ടുണ്ട്. തിരക്കഥയനുസരിച്ച് എങ്ങനെ അഭിനയിക്കണം എന്നതിനെക്കുറിച്ചുള്ള വെങ്കട്ട് പ്രഭുവിന്റെ വ്യക്തമായ നിർദ്ദേശങ്ങളും വഴികാട്ടലുകളും സിനിമയിൽ വ്യക്തമായി കാണാമായിരുന്നു, കാരണം അഭിനേതാക്കളുടെ മുൻകാല പ്രകടനവുമായി താരതമ്യപ്പെടുത്തുമ്പോൾ അവർ അവതരിപ്പിച്ച രീതിക്ക്, പ്രത്യേകിച്ച് സിലംമ്പരേശന്റെ പ്രകടനത്തിൽ കാര്യമായ മാറ്റങ്ങൾ ഉണ്ടായിരുന്നു. സിലംമ്പരേശന്റെ അവസാന ചിത്രമായ ഈശ്വരനുമായി താരതമ്യപ്പെടുത്തുമ്പോൾ ശരിയായ രീതിയിലുള്ള പെരുമാറ്റവും കഥാപാത്രത്തെ ഏറ്റെടുക്കുന്നതിലെ പക്വമായ തലവും പ്രായോഗികമായി മാനാടിൽ കണ്ടു. എസ് ജെ സൂര്യ സ്വാഭാവികമായി അഭിനയിക്കാൻ കഴിവുള്ള നടനാണ്, മാനാടിൽ അദ്ദേഹം മികച്ച പ്രകടനം കാഴ്ചവെച്ചു, ഒരു മോശം പോലീസുകാരന്റെ സവിശേഷതകൾ കൂടുതൽ മനോഹരമായി പുറത്തെടുത്തു, ഒരു അധിക ഊർജ്ജം അവസാനം വരെ ഉണ്ടായിരുന്നു, അതിനാൽ വെങ്കട്ട് പ്രഭുവിന്റെ ആശയങ്ങൾ എങ്ങനെയെന്ന് മനസ്സിലാക്കി അവതരിപ്പിക്കാൻ അഭിനേതാക്കൾക്ക് അദ്ദേഹം നൽകിയ ഉപദേശം വിജയപൂർണ്ണമായിരുന്നു.

ഈ കഥ സവിശേഷത സയൻസ് ഫിക്ഷന്റെ ഏറ്റവും മികച്ച ഘടകങ്ങളുമായി ചേർത്തിട്ടുള്ളതുമാണെന്നതിൽ എനിക്ക് യാതൊരു സംശയമില്ല, എന്നാൽ അതിനെക്കാൾ കൂടുതൽ വ്യത്യസ്തമാക്കുന്നത് വെങ്കട്ട് പ്രഭു തിരക്കഥ കൈകാര്യം ചെയ്ത രീതിയാണ്. ഒരു ടൈം ലൂപ്പ് കഥ പ്രേക്ഷകരെ ബോദ്ധ്യപ്പെടുത്തുന്ന ലോജിക്കുകൾ ഉപയോഗിച്ച് ആകർഷകമായി സൃഷ്ടിച്ചു, ഇവിടെ എഴുത്തിൽ വെങ്കട്ട് പ്രഭു സങ്കീർണ്ണമായ ശാസ്ത്രീയ കാരണം പറയഞ്ഞു പ്രേക്ഷകരെ കുഴപ്പിക്കുന്നില്ല, വ്യക്തമായ ധാരണയ്ക്കായി മുഴുവൻ തിരക്കഥയും അദ്ദേഹം തന്റെ സാധാരണ ശൈലിയിൽ തയ്യാറാക്കുന്നു. കൂടാതെ വെങ്കട്ട് പ്രഭു ചൂണ്ടിക്കാണിക്കുന്ന ചില രാഷ്ട്രീയങ്ങളുമുണ്ട്, മുസ്ലീം സമുദായങ്ങൾക്കെതിരായ അതിക്രമങ്ങൾ, അവർ നേരിടുന്ന വിവേചനം, തീവ്രവാദിയെന്ന് മുദ്രകുത്തുന്ന ടാഗ്‌ലൈൻ എന്നിവ ധീരമായ നിരവധി ഡയലോഗുകളോടെ അവതരിപ്പിച്ചിട്ടുണ്ട്.

ചിത്രത്തിലെ സംഭാഷണങ്ങളും വെങ്കട്ട് പ്രഭു മനോഹരമായി എഴുതിയിരിക്കുന്നു, സിനിമയിലെ അഭിനേതാക്കൾ നയിക്കുന്ന സംഭാഷണങ്ങളും അതിനനുസരിച്ചുള്ളതായിരുന്നു. തമാശ നിറഞ്ഞ സംഭാഷണങ്ങൾ ഉണ്ട്, കൂടാതെ നായകനും വില്ലനും നയിക്കുന്ന പഞ്ച് ഡയലോഗുകൾ അവിസ്മരണീയമാണ്, സംഭാഷണങ്ങൾ എഴുതിയ ശൈലി ശരിയായ വ്യവസ്ഥാപിത തലത്തിലായിരുന്നു. ഒട്ടനവധി ആകർഷകമായ സംഭാഷണങ്ങൾ ഉണ്ട്, അത് ആത്യന്തികമായി അതിന്റെ പഞ്ചിനായി നമ്മെ സന്തോഷിപ്പിക്കുകയും കയ്യടിക്കുകയും ചെയ്യുന്നു, STR ന്റെ ആരാധകർക്ക് നിർണായക മേഖലകളിലെ അദ്ദേഹത്തിന്റെ ശക്തമായ സംഭാഷണങ്ങൾ ഒരു ആവേശമായ ഫീൽ നൽകുന്നു, അതുപോലെ തന്നെ വില്ലനും, എസ് ജെ സൂര്യയുടെ മിക്ക ഡയലോഗുകളും ആവേശത്തിന്റെയും രസകരത്തിന്റെയും നിമിഷങ്ങൾ നൽകുന്നു.

• അഭിനേതാക്കളുടെ പ്രകടനം:

സിലംമ്പരേശൻ, എസ് ജെ സൂര്യ, കല്യാണി പ്രിയദർശൻ, വൈ ജി മഹേന്ദ്രൻ, എസ് എ ചന്ദ്രശേഖർ, പ്രേംഗി അമരൻ, കരുണാകരൻ, അഞ്ജന കീർത്തി, അരവിന്ദ് ആകാശ്, തുടങ്ങി നിരവധി താരങ്ങളെ അണിനിരത്തിയാണ് ചിത്രം എത്തുന്നത്. അബ്ദുൾ ഖാലിഖ് എന്ന കഥാപാത്രത്തെ അവതരിപ്പിച്ച സിലംമ്പരേശൻ അവസാനം വരെ തിളങ്ങി. ഇത് ശക്തമായ തിരിച്ചുവരവും പക്വതയുള്ള ഒരു നടനിലേക്കുള്ള വലിയ പരിവർത്തനവുമാണ്. അദ്ദേഹത്തിന്റെ ശൈലിയും അതുല്യമായ മനോഭാവവും കഥാപാത്രത്തിന് കൂടുതൽ സ്വാധീനം നൽകി, കഥാപാത്രം ആവശ്യപ്പെടുന്ന ഗൗരവത്തിന്റെ നിലവാരം അതിശയകരമായി അവതരിപ്പിച്ചു, പ്രത്യേകിച്ച് തന്റെ ദേഷ്യവും നിരാശയും പ്രകടിപ്പിക്കുന്ന നിർണായക രംഗങ്ങളിൽ സംഭാഷണങ്ങൾ പ്രകടിപ്പിക്കുന്ന രീതി അതിശയിപ്പിക്കുന്നതായിരുന്നു. വൈകാരിക രംഗങ്ങൾ മികച്ച രീതിയിൽ കൈകാര്യം ചെയ്തതിനാൽ അദ്ദേഹത്തിന്റെ അഭിനയത്തിൽ വികാരങ്ങൾ ആത്മാർത്ഥമായി കാണപ്പെട്ടു. അദ്ദേഹത്തിന്റെ ആക്ഷൻ സീക്വൻസുകളിൽ കണ്ട ശൈലിയും ശ്രദ്ധേയമായിരുന്നു, കിക്കുകളും പഞ്ചുകളും വഴക്കുകളും ഒരു മാസ് ഹീറോയിക് രീതി ഫലപ്രദമായി കാണിച്ചു. S.J സൂര്യയുമായുള്ള അദ്ദേഹത്തിന്റെ കോമ്പിനേഷൻ രംഗങ്ങൾ ഏറ്റവും മികച്ച രീതിയിൽ ത്രില്ലടിപ്പിക്കുന്നതായിരുന്നു, കൂടാതെ ഒരു നായകനും വില്ലനും തമ്മിലുള്ള അടുപ്പം പ്രകടനത്തിലുടനീളം മികച്ചതായി കാണപ്പെട്ടു. DCP ധനുഷ്‌കോടിയായി S.J സൂര്യ ഇപ്പോൾ ഞാൻ കണ്ട ഏറ്റവും മികച്ച വില്ലന്മാരിൽ ഒരാളാണ്, എന്തൊരു പ്രകടനം, അദ്ദേഹത്തിന്റെ ശക്തമായ അഭിനയം പ്രകടിപ്പിക്കാൻ പ്രയാസമാണ്. തന്റെ അഭിനയ പാടവം, സംസാരരീതി, ആവിഷ്‌കാര രീതി, പെരുമാറ്റ രീതികൾ എല്ലാം കുറ്റമറ്റ രീതിയിൽ അവതരിപ്പിച്ചു. അദ്ദേഹത്തിന്റെ മികച്ച സംഭാഷണ രീതിയും ഡയലോഗുകൾ പറയുന്ന സമയവും വളരെ കൃത്യമായിരുന്നു, അതെല്ലാം ഒരു യഥാർത്ഥ വില്ലനെപ്പോലെയായിരുന്നു. വേഗത്തിൽ പറയുന്ന സംഭാഷണങ്ങളും സിറ്റുവേഷനൽ കോമഡി പറയുന്ന സീനുകളിലും അദ്ദേഹം കാണിക്കുന്ന പെരുമാറ്റവും ടൈം ലൂപ്പ് ഏരിയകളിൽ കാണിക്കുന്ന നിരാശയും അതിശയിപ്പിക്കുന്നതായിരുന്നു. അദ്ദേഹം സിലംമ്പരേശനെ ഒരു കഠിനമായ പൂർത്തീകരണം നൽകി, ഇരുവരും അവരുടെ ഏറ്റവും മികച്ചത് നൽകി. അവസാനം വരെ മുഴുവൻ കോമ്പിനേഷനും കാണാനുള്ള ഒരു സമ്പൂർണ വിരുന്നായിരുന്നു. Y.G മഹേന്ദ്രൻ്റെ പരന്താമൻ എന്ന കഥാപാത്രം ഗംഭീരമായ പ്രകടനം കാഴ്ചവെച്ചു, വില്ലൻ ഷേഡ് നന്നായി ചെയ്തു, കൂടാതെ തന്റെ കഥാപാത്രത്തിന് കൃത്യമായ നെഗറ്റീവ് ഷേഡ് നിലനിർത്തി. സീതാലക്ഷ്മിയായി കല്യാണി പ്രിയദർശൻ ഗംഭീരം പ്രകടനം നടത്തി, അവരുടെ കാഴ്ചപ്പാട് അവളുടെ ഭാവം, സംഭാഷണങ്ങൾ അവതരിപ്പിച്ച രീതി എല്ലാം മികച്ചതായിരുന്നു, പ്രത്യേകിച്ച് നിർണായകമായ സന്ദർഭങ്ങളിൽ, സിലംമ്പരേശനുമായുള്ള അവരുടെ കോമ്പിനേഷൻ തുടക്കം മുതൽ തന്നെ സിനിമയെ ഉജ്ജ്വലമായി ഉയർത്തി. സുഹൃത്തുക്കളായി പ്രേംജി അമരനും കരുണാകരനും മികച്ച പിന്തുണ നൽകി, രണ്ടുപേരും നന്നായി ചെയ്തു, അവരുടെ സാഹചര്യപരമായ കോമഡികൾ രസകരവുമായിരുന്നു. മുഖ്യമന്ത്രിയായി S.A ചന്ദ്രശേഖറും ഹിറ്റ്മാൻ ആയി അരവിന്ദ് ആകാശും, സുബ്ബു പഞ്ചു അരുണാചലം അവരവരുടെ റോളുകളോട് പൂർണ്ണമായും നീതി പുലർത്തി.

• പശ്ചാത്തല സംഗീതവും ഗാനവും :

ചിത്രത്തിൻ്റെ പശ്ചാത്തല സംഗീതം ഒരുക്കിയ യുവൻ ശങ്കർ രാജയാണ് ചിത്രത്തിന് വേണ്ടി സംഗീത സംവിധാനം നിർവ്വഹിച്ചിരിക്കുന്നത്. യുവൻ ശങ്കർ രാജ, റിസ്വാൻ, രാജ ഭവതാരിണി എന്നിവർ ചേർന്ന് ആലപിച്ച ‘മെഹെരെസിലാ’ എന്ന ഒരു ഗാനം മാത്രമാണ് ചിത്രത്തിലുള്ളത്. ഒരു വിവാഹ രംഗത്തിന് വേണ്ടിയാണ് ഗാനം നിർമ്മിച്ചത്, അത് അത്ര മികച്ചതായിരുന്നില്ല. എന്നാൽ ഗാനത്തേക്കാൾ മികച്ച പശ്ചാത്തല സംഗീതം പുറത്തെടുക്കാൻ യുവൻ ശങ്കർ രാജ ഗംഭീരമായ ഒരു ജോലി ചെയ്തിട്ടുണ്ട്. പശ്ചാത്തല സംഗീതം മറ്റൊരു ശ്രദ്ധേയമായ തലത്തിലായിരുന്നു, ഈ ചിത്രത്തിന്റെ പ്രധാന വിജയ ഹൈലൈറ്റുകളിൽ ഒന്നാണിത്. എസ്.ജെ.സൂര്യയുടെ സീനുകൾക്കായി ട്യൂൺ ചെയ്ത പശ്ചാത്തല സംഗീതം ഇപ്പോഴും മനസ്സിൽ മായാതെ കിടക്കുന്നു, അദ്ദേഹത്തിന്റെ രംഗങ്ങൾക്ക് ആ രാഗം മറ്റൊരു തലത്തിലുള്ള സ്വാധീനം നൽകിയിരുക്കുന്നു. പല തരത്തിലുള്ള വ്യത്യസ്തമായ രംഗങ്ങൾ ഉൾക്കൊള്ളുന്ന ചിത്രത്തിനാണ് യുവൻ ശരിയായ ട്യൂണുകൾ നൽകിയത്. ടൈം ലൂപ്പ് സീനുകളിലെ പശ്ചാത്തല സ്‌കോർ കൗതുകത്തിന്റെ കൃത്യമായ പ്രകമ്പനം സൃഷ്‌ടിക്കുന്നതിനാൽ ആ രംഗങ്ങൾ ഏറ്റവും മികച്ചതായി തോന്നി. വൈകാരിക രംഗങ്ങളിലെയും നായകന്റെയും വില്ലന്റെയും പോരാട്ട രംഗങ്ങളിലെയും പശ്ചാത്തല സ്‌കോറും മികച്ചതായിരുന്നു, കാഴ്ചക്കാരെ പൂർണ്ണമായി ആകർഷിക്കുന്ന ഫീൽ നൽകാൻ ഇതിന് ശക്തിയുണ്ട്, യുവൻ ശങ്കർ രാജയുടെ മികച്ച സൃഷ്ടികളിൽ ഒന്നാണ് ഈ ചിത്രം.

• സാങ്കേതിക വിദ്യയുടെ വിശകലനം:

ഈ ചിത്രത്തിന്റെ സാങ്കേതിക വിഭാഗത്തിന് പിന്നിൽ പ്രവർത്തിച്ച മുഴുവൻ അണിയറപ്രവർത്തകരും വലിയൊരു കൈയ്യടി അർഹിക്കുന്നു. ഛായാഗ്രഹണം, എഡിറ്റിംഗ്, ആർട്ട് ഡിപ്പാർട്ട്‌മെന്റിന്റെ വർക്ക്, സ്റ്റണ്ടുകൾ തുടങ്ങിയവ കുറ്റമറ്റതായിരുന്നു, സിനിമയെ സാങ്കേതികമായി മികച്ചതാക്കാൻ മുഴുവൻ ടീമും ഒന്നിച്ചു നിന്നു. റിച്ചാർഡ് എം.നാഥന്റെ ശ്രദ്ധേയമായ ഛായാഗ്രഹണം ചിത്രത്തെ സങ്കൽപ്പിക്കാനാവാത്ത മറ്റൊരു തലത്തിലേക്ക് കൊണ്ടുപോയി. മുഴുവൻ ക്യാമറ വർക്കുകളും ഗംഭീരമായിരുന്നു, ആക്ഷൻ രംഗങ്ങൾക്കും ചേസ് സീനുകൾക്കുമായി അദ്ദേഹം സൃഷ്ടിച്ച ക്യാമറ ചലനങ്ങൾ വളരെ മികച്ചതായിരുന്നു. എയർപോർട്ടിൽ നിന്ന് ബൈക്ക് പിന്തുടരുന്നത് അതിശയിപ്പിക്കുന്നതായിരുന്നു, ഏറ്റവും മികച്ച ഡോളി ഷോട്ടുകളിൽ ഒന്നായിരുന്നു അത്. ഫൈറ്റ് സീക്വൻസുകളിലെ ചലനങ്ങളും മതിയായതിനാൽ ആക്ഷനും ഫൈറ്റുകളും മാസ് ത്രില്ലിംഗ് ഫീൽ നൽകിയിരുന്നു. ലൈറ്റിംഗും ഫലപ്രദമായി ഉപയോഗിച്ചു, നൈറ്റ് ഷോട്ടുകൾ പ്രകൃതിദത്തമായ അനുഭവം നൽകുന്നതിനായി മാറ്റി, കൂടാതെ ഇൻഡോർ സീനുകൾക്ക് മുഴുവൻ ലൈറ്റിംഗ് രീതിയും ആകർഷകമായിരുന്നു. പ്രവീൺ കെ.എലിന്റെ ചിത്രസംയോജനം മികച്ചതായിരുന്നു, ഇത് അദ്ദേഹത്തിന്റെ നൂറാമത്തെ സൃഷ്ടിയാണ്, കൂടാതെ കട്ട്‌സും മികച്ചതായിരുന്നു. പെട്ടെന്നുള്ള പരിവർത്തനം അതിശയിപ്പിക്കുന്നതായിരുന്നു, ടൈം ലൂപ്പ് കാണിക്കുന്ന മുറിവുകളും പെട്ടെന്നുള്ള രംഗങ്ങളും പൊരുത്തക്കേടുകൾ നൽകാതെ ഒരേ ട്രാക്കിലായിരുന്നു. ആക്ഷൻ സീക്വൻസുകൾ ആനന്ദദായകമായിരുന്നു, സ്റ്റണ്ടുകൾ നന്നായിരുന്നു, അമിതമായി ഒന്നും തന്നെയില്ല, സിലംമ്പരേശന്റെ പ്രവർത്തനത്തിൽ ഒരു മാസ്സ് ഫീൽ അനുഭവപ്പെട്ടു.

• നിഗമനം:

മൊത്തത്തിൽ നോക്കുമ്പോൾ മാനാട് എന്ന ചിത്രം വളരെ മികച്ചൊരനുഭവമായിരുന്നു എനിക്ക് നൽകിയത്.

വെങ്കട്ട് പ്രഭുവിന്റെ ബുദ്ധിപരമായ മേക്കിങും ആകർഷകമായ രചനയും സിലംമ്പരേശന്റെയും എസ് ജെ സൂര്യയുടെയും പ്രകടനവും സാങ്കേതിക വിദ്യയുടെയും, യുവൻ ശങ്കർ രാജയുടെ പശ്ചാത്തല സ്‌കോറും ചിത്രത്തെ മൊത്തത്തിൽ ത്രസിപ്പിക്കുന്നതും ത്രില്ലടിപ്പിക്കുന്നതുമാക്കുന്നു അതുകൊണ്ടുതന്നെ മാനാട് ഈ വർഷത്തെ മികച്ച ത്രില്ലർ ചിത്രങ്ങളിലൊന്നായി മാറുമെന്ന് എനിക്കുറപ്പാണ്. തീർച്ചയായും ഈ ചിത്രം എല്ലാവരും കണ്ടിരിക്കേണ്ടതാണ്. ഇത് ടൈം ലൂപ്പിന്റെ ലോകത്തേക്കുള്ള മറ്റൊരു സാഹസിക യാത്രയാണ്.

• റേറ്റിംഗ്: 4/5