തൃശൂർ പൂരം: സർക്കാരിന് നിയമോപദേശം

പൂരം ആഘോഷ കമ്മിറ്റി ഇന്നോ നാളെയോ ആയി തീരുമാനം എടുക്കണമെന്ന് സർക്കാരിന് നിയമോപദേശം.ആവശ്യമെങ്കിൽ പൂര വിളംബര ദിവസം മാത്രം തെച്ചിക്കോട്കാവ് രാമചന്ദ്രനെ എഴുന്നള്ളിക്കാം. മറ്റു ഉത്സവങ്ങൾക്ക് ഉത് കീഴ്വഴക്കമാക്കരുതെന്നും നിർദ്ദേശം.കൂടാതെ ജനങ്ങളെ നിശ്ചിത അകലത്തിൽ നിർത്തണം. അപകടം ഉണ്ടാവാതിരിക്കാനുള്ള മുൻകരുതൽ എടുക്കണം. ആനയെ ഉപദ്രവിക്കാനോ ശല്യപ്പെടുത്താനോ ഇടവരുത്തരുത്. ആന ഉടമയിൽ നിന്ന് രേഖാമൂലം ഉറപ്പ് വാങ്ങണമെന്നും നിയമോപദേശം.അനിഷ്ട സംഭവങ്ങൾ എന്തുണ്ടായാലും അത് ആന ഉടമ ഉത്തരവാദിത്വം ഏറ്റെടുക്കണം. തൃശൂർ പൂരത്തിന്റെ പ്രാധാന്യം കണക്കിലെടുത്താണ് നിയമോപദേശം.