ബാഡ്മിന്റൻ താരങ്ങളായ സൈന നെഹ്‌വാളും കശ്യപും വിവാഹിതരാകുന്നു. ഏറെ നാളത്തെ അഭ്യൂഹങ്ങൾക്ക് ശേഷമാണ് വിവാഹ വാർത്ത സ്ഥിതീകരിക്കുന്നത്. നേരത്തെ മാധ്യമങ്ങൾ ഇരുവരുടെയും പ്രണയത്തെ പറ്റി ചോദിച്ചപ്പോൾ സൈന പ്രതികരിച്ചിരുന്നില്ല.
നീണ്ട 10 വർഷക്കാലത്തെ പ്രണയത്തിനൊടുവിൽ മാതാപിതാക്കളുടെ അനുവാദത്തോടെയാണ് ഇരുവരും വിവാഹിതരാകാൻ തീരുമാനിച്ചിരിക്കുന്നത്. ഹൈദരബാദില്‍ ഡിസംബര്‍ 16 നാണ് വിവാഹം.
ഇന്ത്യയ്ക്കായി 20 പ്രധാന കിരീടങ്ങള്‍ നേടിയിട്ടുള്ള താരമാണ് സൈന. 2014 ലെ കോമണ്‍വെല്‍ത്ത് ഗെയിംസില്‍ ഇന്ത്യക്കായി സ്വര്‍ണ നേട്ടം നേടിയ താരമാണ് കശ്യപ്. ബാഡ്മിന്റണില്‍ ലോകആറാം നമ്പര്‍ താരമാണ് കശ്യപ്.