ശബരിമല റിവ്യൂ ഹർജികൾ തുറന്ന കോടതിയിൽ പരിഗണിക്കാൻ തീരുമാനം. ജനുവരി 22ന് ആണ് വാദം കേൾക്കുക. ശബരിമല സ്ത്രീപ്രവേശനത്തിനെതിരെ നൽകിയ ഹർജികൾ പരിഗണിച്ചാണ് സുപ്രിംകോടതി വിധി പ്രസ്താവിച്ചത്. ചീഫ് ജസ്റ്റിസ് രഞ്ജൻ ഗോഗോയുടെ നേതൃത്തത്തിൽ നടന്ന കൂടിയാലോചനയിലാണ് തീരുമാനം ഉണ്ടായത്.
ശബരിമലയില്‍ യുവതീപ്രവേശം അനുവദിക്കരുതെന്ന റിട്ട് ഹര്‍ജികള്‍ സുപ്രീംകോടതി പരിഗണിച്ചില്ല. പുനപരിശോധനാഹര്‍ജികള്‍ തീര്‍പ്പാക്കിയശേഷമേ റിട്ടുകള്‍ പരിഗണിക്കൂ. ശബരിമല യുവതീപ്രവേശം തടയണമെന്നാവശ്യപ്പെടുന്ന നാല് റിട്ട് ഹര്‍ജികളും 49 പുനപരിശോധനാഹര്‍ജികളുമാണ് സുപ്രിംകോടതിയിൽ നൽകിയിരുന്നത്.
ചേംബറിലെ നടപടികൾ മൂന്നുമണിക്ക് തുടങ്ങി വളരെപ്പെട്ടന്ന് തീരുമാനത്തിൽ എത്തുകയായിരുന്നു.