ശബരിമല വിഷയത്തിൽ സർക്കാറിനെ പിന്തുണച്ച് ഹൈക്കോടതി. സുപ്രീംകോടതി വിധി നടപ്പാക്കാൻ സർക്കാറിന് ബാധ്യത ഉണ്ട്. അതിനുള്ള നടപടികളാണ് സർക്കാർ സ്വീകരിക്കുന്നത്. പതിമൂന്നാം തീയതി ഹർജികൾ പരിഗണിക്കുന്നതുവരെ സുപ്രീംകോടതിയുടെ വിധി നടപ്പാക്കിയേ മതിയാകു എന്നും ഹൈക്കോടതി പറഞ്ഞു. ശബരിമലയിലെ സ്ത്രീപ്രവേശനം താൽക്കാലികമായി തടയാനാകില്ല, രക്തച്ചൊരിച്ചിൽ ഉണ്ടാകാനല്ല,അത് തടയാനാണ് നിയമങ്ങൾ എന്നും കോടതി പറഞ്ഞു.
പതിമൂന്നാം തീയതി റിവ്യൂ ഹർജി പരിഗണിക്കുന്നതുവരെ ശബരിമലയിൽ സ്ത്രീപ്രവേശനം അനുവദിക്കരുത് എന്നാവശ്യപ്പെട്ടു നൽകിയ ഹർജിയിലാണ് ഹൈക്കോടതിയുടെ വിധി.