കൊച്ചി: പാനൂരില്‍ സി.പി.എം പ്രവര്‍ത്തകന്‍ ബോംബ് നിര്‍മ്മാണത്തിനിടയില്‍ മരിച്ചതിന് പിന്നാലെ സി.പി.എം നേതാക്കള്‍ വീട് സന്ദര്‍ശിച്ചത് വാര്‍ത്തയായിരുന്നു. ഇപ്പോഴിതാ സി.പി.എം നടത്തുന്നത് ഇരട്ടത്താപ്പാണെന്ന് തുറന്നിച്ച് യൂത്ത് കോണ്‍ഗ്രസ് നേതാവ് രാഹുല്‍ മാങ്കൂട്ടത്തില്‍ രംഗത്തെത്തിയിരിക്കുകയാണ്.സിയാദിനെ നിങ്ങള്‍ക്ക് ഓര്‍മയില്ലേ എന്നും സിയാദിനെ കൊന്നത് കോണ്‍ഗ്രസ് പ്രവര്‍ത്തകരല്ലേ എന്ന തരത്തില്‍ സി.പി.എം നടത്തിയ വ്യാജ പ്രചരണങ്ങള്‍ കോടതി വിധിയോടെ പൊളിഞ്ഞത് ഓര്‍മയില്ലേ എന്നും രാഹുല്‍ ചോദിക്കുന്നു,. നിങ്ങള്‍ എത്ര രക്തസാക്ഷികളെ ഉണ്ടാക്കിയെടുത്തു. നിര്‍ത്താറായില്ലേ നിങ്ങളുടെ കള്ളത്തരങ്ങള്‍ എ്ന്നും രാഹുല്‍ ചോദിക്കുന്നു, ഫേസ്ബുക്ക് കുറിപ്പിന്റെ പൂര്‍ണഇരൂപം ഇങ്ങനെയാണ്.
ഓര്‍മ്മയില്ലേ സിയാദ് കൊലപാതകം?
എന്തിനു കൊന്നു കോണ്‍ഗ്രസ്സുകാരെ ഞങ്ങടെ നേതാവായ സിയാദിനെ എന്ന് പറഞ്ഞ് പിണറായിയും കോടിയേരിയും തൊട്ട് ‘തുക്കടാ DYFI’ നേതാക്കള്‍ വരെ കരഞ്ഞ് നടന്നത്?
സിയാദിനെ കൊന്നവന്‍ എന്ന് ചാപ്പ കുത്തി കോണ്‍ഗ്രസ്സിന്റെ നഗരസഭ കൗണ്‍സിലര്‍ ആയ നിസാം കാവിലിനെ ക്രൂശിച്ചത് ഓര്‍മ്മയില്ലേ?
കൊലയാളി എന്ന് പറഞ്ഞു നിസ്സാമിന്റെ വീട് അടിച്ചു തകര്‍ത്തത് ഓര്‍മ്മയില്ലേ?
ആ കേസിന്റെ പേരില്‍ സിപിഎം നടത്തിയ ഹര്‍ത്താല്‍ ഓര്‍മ്മയില്ലേ?
ആ കേസില്‍ പിണറായി പോലീസ് നിസ്സാമിനെ അറസ്റ്റ് ചെയ്തതു ഓര്‍മ്മയില്ലേ?
ആ കേസില്‍ ഇന്ന് നിസ്സാമിനെ കോടതി നിരപരാധി എന്ന് കണ്ടെത്തി വെറുതെ വിട്ടു.
മാത്രമല്ല ആ കേസ് രാഷ്ട്രീയ കൊലപാതകം അല്ല എന്നും കോടതി കണ്ടെത്തി….
സിപിഎംകാരെ നിങ്ങള്‍ ഇങ്ങനെ ഞങ്ങളുടെ കൂട്ടത്തില്‍ എത്ര നിരപരാധികളെ കള്ളകേസ്സില്‍ കുടുക്കി പീഡിപ്പിച്ചിട്ടുണ്ട്….
സിപിഎംകാരെ നിങ്ങള്‍ ഇങ്ങനെ എത്ര രക്തസാക്ഷികളെ ഉണ്ടാക്കിയെടുത്തിട്ടുണ്ട്…..
നിര്‍ത്താറായില്ലേ നിങ്ങളുടെ ഈ കള്ളത്തരങ്ങള്‍….