കനത്ത പ്രളയത്തെ തുടർന്ന് കാലടിയിൽ അകപ്പെട്ട ഗർഭിണിയ്ക്ക് നേവി ആശുപത്രിയിൽ സുഖപ്രസവം. രക്ഷാപ്രവർത്തനത്തിനിടയിൽ സന്തോഷമായി ഈ വാർത്ത. അമ്മയും കുഞ്ഞും നേവി ആശുപത്രിയിൽ സുഖമായി തുടരുന്നു.
പ്രസവവേദന തുടങ്ങിയ യുവതിയെ ഹെലികോപ്റ്റര്‍ വഴി രക്ഷപ്പെടുത്തിയാണ് നേവിയുടെ ആശുപത്രിയിൽ എത്തിച്ചത്. ആശുപത്രിയിൽ എത്തിയ ഉടനെ യുവതി പ്രസവിച്ചു. കാലടി സ്വദേശിയായ സബിത ജബീൽ ആണ് രക്ഷാപ്രവര്‍ത്തകരുടെ സൂക്ഷ്മതയ്ക്കൊപ്പം മനഃസാന്നിധ്യത്തിൽ രക്ഷപെട്ടത്.