സി പി എം ഷൊർണൂർ എംഎൽഎ പി.കെ ശശിക്കെതിരായ പരാതിയിൽ നടപടി വൈകിയത് പ്രളയം കാരണമാണെന്ന് മന്ത്രി എ.കെ ബാലന്‍. ഇത്തരം പരാതികളില്‍ ആരെയും രക്ഷിച്ച ചരിത്രം പാര്‍ട്ടിക്കില്ല, പീഡന പരാതി അന്വേഷിക്കുമ്പോൾ ആരെയും പാർട്ടി സംരക്ഷിക്കില്ല എന്നും മന്ത്രി പറഞ്ഞു.
എന്നാൽ, പി.കെ. ശശി എംഎല്‍എക്കെതിരെ പരാതിയുള്ളവര്‍ പരാതി കൊടുക്കേണ്ടിടത്ത് കൊടുക്കണമെന്ന് മന്ത്രി ഇ.പി.ജയരാജന്‍. സര്‍ക്കാരിന് ഇതുവരെ പരാതി കിട്ടിയിട്ടില്ല. മുമ്പ് വിന്‍സെന്റ് എംഎല്‍എക്കെതിരെപരാതിക്കാരി തന്നെയാണ് പൊലീസിനെ സമീപിച്ചത്. ഈ വിഷയങ്ങളില്‍ പാര്‍ട്ടിക്ക് ഇരട്ടത്താപ്പില്ലെന്നും ജയരാജൻ പറഞ്ഞു.