മകന്റെ വിവാഹത്തില്‍ പങ്കെടുക്കാന്‍ അബ്ദുള്‍ നാസര്‍ മദനിക്ക് ജാമ്യം അനുവദിക്കാത്ത കോടതി നടപടിയിൽ പ്രതിഷേധിച്ച് ബുധനാഴ്ച സംസ്ഥാനത്ത് ഹര്‍ത്താല്‍ ആചരിക്കുമെന്ന് പി.ഡി.പി.
ഇന്ന് നടത്തിയ പത്രസമ്മേളനത്തില്‍ ഡിപി സംസ്ഥാന വര്‍ക്കിങ് ചെയര്‍മാന്‍ പൂന്തുറ സിറാജ് ആണ് ഇക്കാര്യം അറിയിച്ചത് .മഅ്ദനിയോട് കാട്ടുനീതിയാണ് കോടതികളും സർക്കാരുകളും സ്വീകരിക്കുന്നതെന്നും പി.ഡി.പി നേതൃത്വം പറഞ്ഞു .രാവിലെ ആറുമുതല്‍ വൈകിട്ട് ആറുവരെയാണ് ഹര്‍ത്താല്‍. ഓഗസ്റ്റ് ഒമ്പതിന് തലശ്ശേരിയില്‍ വെച്ചാണ് മദനിയുടെ മകന്‍ ഉമര്‍ മുക്താറിന്റെ വിവാഹം. വിവാഹത്തിൽ പങ്കെടുക്കാൻ മദനി നല്‍കിയ ജാമ്യാപേക്ഷ ഇന്ന് രാവിലെയാണ് ബംഗളുരു കോടതി തളളിയത്.