അന്തരിച്ച നടന്‍ ഇര്‍ഫാന്‍ ഖാന്റെ ഓര്‍മകള്‍ പങ്കുവച്ച് നടി പാര്‍വതി തിരുവോത്ത്. പാര്‍വതിയുടെ ബോളിവുഡ് അരങ്ങേറ്റ ചിത്രമായ ‘ഖരീബ് ഖരീബ് സിംഗിളി’ല്‍ ഇര്‍ഫാനായിരുന്നു നായകന്‍. ഇര്‍ഫാനുമൊന്നിച്ചുള്ള ചിത്രങ്ങള്‍ പങ്കുവച്ചുകൊണ്ടാണ് പാര്‍വതിയുടെ കുറിപ്പ്.
തുടക്കം മുതലേ നിങ്ങളുടെ കഴിവ് കൊണ്ട് മറ്റൊരു ലോകം സൃഷ്ടിച്ചതിന്, അത്തരം സൃഷ്ടികളുടെ സന്തോഷത്തില്‍ എല്ലായ്പ്പോഴും നിങ്ങളുടെ സഹതാരങ്ങളെ ഉള്‍പ്പെടുത്തിയതിന്, മാനുഷികമായ തെറ്റുകളും സ്വത്വത്തിലെ ഔദാര്യവും സ്വന്തമാക്കിയതിന്, ഇത് തുടക്കമാണെന്ന് എപ്പോഴും വിശ്വസിച്ചതിന്….എന്നും ഓര്‍ക്കുന്നു ഇര്‍ഫാന്‍ പാര്‍വതി കുറിച്ചു.
തനുജ ചന്ദ്ര സംവിധാനം ചെയ്ത ചിത്രം വ്യത്യസ്ത ധ്രുവങ്ങളില്‍ നില്‍ക്കുന്ന രണ്ടു വ്യക്തികള്‍ തമ്മിലുള്ള ബന്ധത്തിന്റെ കഥയാണ് ‘ഖരീബ് ഖരീബ് സിംഗിളില്‍ പറഞ്ഞത്.