പ്രമുഖ രാഷ്ട്രീയ നേതാവിന്റെ മകന്‍ ട്രെയിനില്‍ വച്ചു അപമാനിക്കാന്‍ ശ്രമിച്ചുവെന്ന ജോസ് കെ.മാണിയുടെ ഭാര്യ നിഷാ ജോസിന്റെ ആരോപണത്തിന് മറുപടിയുമായി പിസി ജോര്‍ജ്ജിന്റെ മകൻ ഷോണ്‍ ജോര്‍ജ്ജിന്റെ ഭാര്യയും ജഗതിയുടെ മകളുമായ പാര്‍വ്വതി.
‘എന്റെ ഒരു പുസ്തകം പ്രകാശനം ചെയ്യണമെങ്കില്‍ ആരു പീഡിപ്പിച്ചു എന്നു പറയണാവോ? ഷാരൂഖ് ഖാന്‍ തോണ്ടി എന്നു പറഞ്ഞാലോ…അല്ലേല്‍ വേണ്ട, ടോം ക്രൂയിസ് കയറി പിടിച്ചു എന്നു പറയാം. എന്നാലേ മാര്‍ക്കറ്റിങ് പൊലിക്കുള്ളൂവെന്നാണ് പാര്‍വ്വതിയുടെ പരിഹാസം.
നിഷ എഴുതിയ ജീവിതാനുഭവക്കുറിപ്പുകളുടെ സമാഹാരമായ ‘ദി അദർ സൈഡ് ഓഫ് ദിസ് ലൈഫ്’ എന്ന പുസ്തകത്തിലാണ് ഈ വെളിപ്പെടുത്തൽ നടത്തിയത് . ട്രെയിൻ യാത്രക്കിടെ തന്നെ അപമാനിച്ച രാഷ്ട്രീയ നേതാവിന്റെ മകന്‍റെ പേര് വെളിപ്പെടുത്തില്ലെന്ന് നിഷ ജോസ് പ്രതികരിച്ചിരുന്നു. സൂചനകള്‍ പിസി ജോര്‍ജ്ജിലേക്കും ഷോണ്‍ ജോര്‍ജ്ജിലേക്കും തിരിഞ്ഞതോടെ പിസി ജോർജ് ഇതിൽ ഇടപെടുകയും പേര് തുറന്നു പറയാത്ത സാഹചര്യത്തില്‍ ഇതിനെതിരെ കേസുകൊടുക്കാൻ തീരുമാനിച്ചിരിക്കുകയാണ് .