തിരുവനന്തപുരം: രക്ഷാപ്രവര്‍ത്തനങ്ങള്‍ നിരീക്ഷിക്കാന്‍ കേന്ദ്ര പ്രതിരോധമന്ത്രി നിര്‍മല സീതാരാമന്‍ തിരുവനന്തപുരത്തെത്തി. വിഴിഞ്ഞത്തും പൂന്തുരയിലും സന്ദര്‍ശനം.
ഓഖി ചുഴലിക്കാറ്റിൽ ദുരിതമനുഭവിക്കുന്നവരെ കാണാന്‍ പ്രതിരോധമന്ത്രി ദുരിതാശ്വാസ ക്യാന്പുകളിലെത്തി. രക്ഷാപ്രവർത്തനത്തിന് എല്ലാവിധ സഹായങ്ങളും നൽകുമെന്നും കാണാതായ അവസാന ആളും തീരത്തെത്തും വരെ രക്ഷാപ്രവര്‍ത്തനം തുടരുമെന്നും പ്രതിരോധമന്ത്രി വ്യക്തമാക്കി.
ഓഖി ചുഴലിക്കാറ്റിനെപ്പറ്റി മുന്നറിയിപ്പ് നല്‍കിയിരുന്നെന്നും മുന്നറിയിപ്പു വൈകിയതിനെക്കുറിച്ചു വിവാദം വേണ്ടന്നു ഇതേക്കുറിച്ചു പരസ്പരം പഴിചാരേണ്ടതില്ല എന്നും പ്രതിരോധമന്ത്രി പറഞ്ഞു. മൽസ്യത്തൊഴിലാളികൾക്ക് കൂടുതൽ നഷ്ടപരിഹാരം ലഭ്യമാക്കണമെന്ന് പ്രതിരോധമന്ത്രി നിർമല സീതാരാമനോട് മുഖ്യമന്ത്രി പിണറായി വിജയൻ ആവശ്യപ്പെട്ടു.
സംസ്ഥാന മന്ത്രിമാരായ ജെ. മേഴ്സിക്കുട്ടിയമ്മ, കടകംപള്ളി സുരേന്ദ്രൻ എന്നിവരും പ്രതിരോധമന്ത്രിയോടൊപ്പം തീരപ്രദേശത്ത് എത്തി.