കാസര്‍കോട്: മഞ്ചേശ്വരം എം.എല്‍.എയും മുസ്ലിം ലീഗ് ദേശീയ എക്സിക്യുട്ടീവ് അംഗവും ആയ പി.ബി അബ്ദുല്‍ റസാഖ്(63) അന്തരിച്ചു. ശനിയാഴ്ച പുലര്‍ച്ചെ സ്വകാര്യ ആശുപത്രിയിൽവച്ചായിരുന്നു അന്ത്യം.
ഹൃദയ സംബന്ധമായ അസുഖത്തെ തുടര്‍ന്ന് വെള്ളിയാഴ്ച രാത്രിയോടെ കാസര്‍കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചിരുന്നു.
2011 മുതൽ നിയമസഭാ അംഗമാണ്. 2016-ല്‍ ബിജെപി നേതാവ് കെ.സുരേന്ദ്രനോട് 89 വോട്ടിന്റെ ഭൂരിപക്ഷത്തിൽ വിജയിച്ചാണ് നിയമസഭയിലെത്തിയത്.
പൊതുദര്‍ശനം സ്വവസതിയിൽ നടക്കും. വൈകിട്ട് 6 മണിക്ക് ആലമ്പാടി ജുമാ മസ്ജിദില്‍ ആണ് കബറടക്കം.