മലയാളസിനിമ താര സംഘടനയായ എ.എം.എം.എ പ്രസിഡന്റ് മോഹൻലാലിനെതിരെ ആഞ്ഞടിച്ച് വനിതാകമ്മീഷൻ അധ്യക്ഷ എം.സി ജോസഫൈൻ.
മോഹൻലാൽ പ്രസിഡന്റായതിൽ വലിയ പ്രതീക്ഷ ഉണ്ടായിരുന്നു. എന്നാൽ ആ പ്രതീക്ഷ ആസ്ഥാനത്തതായി. മോഹന്‍ലാല്‍ തന്റെ സ്ഥാനത്തിൽ അല്‍പ്പം കൂടി ഉത്തരവാദിത്തം കാണിക്കണം. ആരാധകരെ നിലയ്ക്ക്‌ നിര്‍ത്തണം, നടിമാർക്കെതിരായ സൈബർ ആക്രമണം അത്ഭുതമല്ല എന്നാൽ നടിമാര്‍ക്കെതിരേ അവഹേളനം പാടില്ലെന്ന് മോഹന്‍ലാല്‍ ഉള്‍പ്പെടെയുള്ളവര്‍ പറയണം എന്നും ജോസഫൈൻ പറഞ്ഞു.
അതുപോലെ ദിലീപിനെ വച്ച് സിനിമചെയ്യുന്നതിൽ ബി. ഉണ്ണിക്കൃഷ്ണനെയും ജോസഫൈൻ വിമർശിച്ചു. കുറ്റാരോപിതനായ ഒരാളെ ഉൾപ്പെടുത്തി സിനിമചെയ്യുന്നത് ന്യായമല്ലെന്നും അവർ പറഞ്ഞു.