നടന്‍ ടൊവിനോ തോമസ് പ്രധാന വേഷത്തില്‍ എത്തുന്ന ഫോറന്‍സികിന്റെ പുതിയ പോസ്റ്റര്‍ പുറത്ത്. മംമ്തയുടെ ക്യാരക്ടറ്റര്‍ പോസ്റ്ററാണ് ഇപ്പോള്‍ പുറത്തു വിട്ടിരിക്കുന്നത്. കമ്മിഷണറായാണ് മംമ്തയെത്തുന്നത്. റിതിക സേവ്യര്‍ ഐപിഎസ് എന്നാണ് കഥാപാത്രത്തിന്റെ പേര്. ഒരു കുറ്റകൃത്യത്തിന്റെ ശാസ്ത്രം എന്ന വിവരണത്തോടെയായിരുന്നു ചിത്രത്തിന്റെ ഫസ്റ്റ് ലുക്ക് ടൊവിനോ തന്നെ തന്റെ ഫേസ്ബുക്ക് പേജിലൂടെ പങ്കുവെച്ചത്. മംമ്ത ആദ്യമായാണ് പൊലീസ് വേഷത്തില്‍ എത്തുന്നു എന്ന പ്രത്യേകതയും ഈ ചിത്രത്തിനുണ്ട്.
ടൊവിനോയും ഫോറന്‍സിക് ഉദ്യോഗസ്ഥന്റെ വേഷത്തിലാണ് എത്തുന്നത്. സാമുവല്‍ ജോണ്‍ കാട്ടൂക്കാരന്‍ എന്നാണ് ചിത്രത്തില്‍ ടൊവിനോ അവതരിപ്പിക്കുന്ന കഥാപാത്രത്തിന്റെ പേര്. 17 പുതുമുഖങ്ങളായ കുട്ടികള്‍ ചിത്രത്തിലുണ്ട്. അഖില്‍ പോളും അനസ് ഖാനും ചേര്‍ന്നാണ് ചിത്രത്തിനായി തിരക്കഥ എഴുതിയിരിക്കുന്നത്. രണ്‍ജി പണിക്കര്‍, പ്രതാപ് പോത്തന്‍, അന്‍വര്‍ ഷെറീഫ്, ശ്രീകാന്ത് മുരളി, അനില്‍ മുരളി തുടങ്ങിയവരും സിനിമയില്‍ മറ്റ് പ്രധാനകഥാപാത്രങ്ങളെ അവതരിപ്പിക്കുന്നു.