മലപ്പുറം : എടപ്പാളില്‍ തിയേറ്ററില്‍ വച്ച്‌ പത്തുവയസുകാരിയെ പീഡനത്തിനിരയാക്കിയ കേസിലെ പ്രതി മൊയ്തീന്‍കുട്ടിക്കെതിരെ പ്രധാന വകുപ്പ് ചേര്‍ത്തിട്ടില്ലെന്ന് ആക്ഷേപം. ശിശുക്ഷേമസമിതി നിര്‍ദേശിച്ച പോക്സോ 5 (എം) വകുപ്പ് ഒഴിവാക്കി 9,10,16 വകുപ്പുകൾ മാത്രമാണ് ചേർത്തിരിക്കുന്നത് എന്നാണ് ആക്ഷേപം.ഇത് കേസിനെ ദുര്‍ബലമാക്കുമെന്നാണ് ശിശുക്ഷേമസമിതി പറയുന്നത് .പോക്സോ 5 (എം) വകുപ്പ് ചേർക്കണം എന്ന് ആവശ്യപ്പെട്ട് ശിശുക്ഷേമ സമിതി വീണ്ടും പൊലീസിനെ സമീപിക്കാന്‍ ഒരുങ്ങുകയാണ്.ഈ കേസിന്റെ തുടക്കം മുതൽ പൊലീസിന്‍റെ മെല്ലെപ്പോക്ക് വിമർശനങ്ങൾക്ക് ഇടയാക്കിയിരുന്നു .