കന്യാസ്ത്രീയെ പീഡിപ്പിച്ചകേസില്‍ ജലന്തര്‍ ബിഷപ്പ് ഫ്രാങ്കോ മുളക്കലിനെ തൃപ്പൂണിത്തുറ ക്രൈംബ്രാഞ്ച് ഓഫീസിൽ വൈക്കം ഡിവൈഎസ്പിയുടെ നേതൃത്വത്തിൽ ചോദ്യംചെയ്യൽ തുടങ്ങി .കോട്ടയം എസ്.പിയുടെ സാന്നിധ്യത്തിലാണ് ചോദ്യം ചെയ്യുന്നത് .ആധുനിക സൗകര്യങ്ങളുള്ള പ്രതേകം മുറിയിലാണ് ചോദ്യം ചെയ്യൽ നടക്കുന്നത് .100 ചതുരശ്രയടി വിസ്തീർണം ഉള്ള മുറിയിൽ മൂന്നു കാമറകള്‍, റെക്കോര്‍ഡിങ് സംവിധാനം എന്നിവയെല്ലാം ഉൾപെടുത്തിയിട്ടുണ്ട് .മേലുദ്യോഗസ്ഥര്‍ക്ക് ഇന്റർനെറ്റ് വഴി ചോദ്യം ചെയ്യൽ നിരീക്ഷിക്കാനുള്ള സംവിധാനവും ഒരുക്കിയിട്ടുണ്ട് .ഇന്നലെ രാത്രിയാണ് ചോദ്യംചെയ്യല്‍ തൃപ്പൂണിത്തുറയിലാക്കാന്‍ തീരുമാനിച്ചത് .
ഫ്രാങ്കോ മുളയ്ക്കൽ മറുപടി നൽകുന്നതിന് അനുസരിച്ച് ചിലപ്പോൾ തുടർ ദിവസങ്ങളിൽ ചോദ്യം ചെയ്യൽ തുടരുമെന്നും. തെളിവ് ലഭിച്ചാൽ അറസ്റ്റ് ചെയ്യുന്നതിന് ത‌ടസമില്ലെന്ന് എസ്.പിയും ഡിവൈഎസ്പിയും വ്യക്തമാക്കിയിട്ടുണ്ട്.