തിരുവനന്തപുരം : പ്രളയത്തെത്തുടർന്ന് ഇത്തവണ ആർഭാടങ്ങൾ ഒഴിവാക്കി രാജ്യാന്തര ചലച്ചിത്രമേള നടക്കും. സൗജന്യ പാസ് ഒഴിവാക്കി കൂടാതെ ചലച്ചിത്രമേളയില്‍ ഇത്തവണ സമഗ്ര സംഭാവനയ്ക്കുള്ള പുരസ്കാരം ഒഴിവാക്കാനും ധാരണ. ചെലവുചുരുക്കി മേള നടത്താമെന്ന നിര്‍ദേശം മുഖ്യമന്ത്രി പിണറായി വിജയൻ അംഗീകരിച്ചതോടെയാണ് മാറ്റങ്ങൾ വരുത്തി മേള നടത്തുന്നത്.
ഏഴു ദിവസത്തെ പരുപാടി ആറു ദിവസമായി ചുരുക്കി. ഡെലിഗേറ്റ് ഫീസ് ഇരട്ടിയാക്കും. ഡെലിഗേറ്റ് ഫീസ് 650 രൂപയായിരുന്നത് 1500- 2000 രൂപയാക്കി വര്‍ധിപ്പിക്കാനാണ് ആലോചന. പ്രദർശന കേന്ദ്രങ്ങൾ 12 ആകും. സര്‍ക്കാര്‍ ഉടമസ്ഥതയിലുള്ള തിയറ്ററുകള്‍ പൂര്‍ണമായും സൗജന്യമാക്കണമെന്ന് ആവശ്യപ്പെടും.
കഴിഞ്ഞവര്‍ഷം ആറരക്കോടി രൂപയാണു ചലച്ചിത്രമേളയ്ക്കു ചെലവായത്.ഇക്കുറി ചെലവ് മൂന്നരക്കോടിക്കുള്ളില്‍ നിര്‍ത്താനാണു ലക്ഷ്യമിടുന്നത്.