അഹമ്മദാബാദ്: ഗുജറാത്തിൽ ഇഞ്ചോടിഞ്ച് പോരാട്ടത്തിനൊടുവില്‍ ബിജെപി തുടർച്ചയായി ആറാമതും ഭരണത്തിലേക്ക്. ഹിമാചൽ പ്രദേശിലും ബിജെപി അധികാരത്തിലേക്ക്. അഞ്ചു വർഷത്തെ ഇടവേളയ്ക്കുശേഷമാണ് ഹിമാചൽ പ്രദേശില്‍ ബിജെപി ഭരണമുറപ്പിച്ചത്.
182 സീറ്റുകളുള്ള ഗുജറാത്തിൽ 92 സീറ്റാണ് കേവല ഭൂരിപക്ഷത്തിന് വേണ്ടത്, വോട്ടെണ്ണലിൽ ഒരുഘട്ടത്തിൽ പിന്നിൽ പോയ ശേഷമാണ് ബിജെപി ലീഡ് തിരിച്ചു പിടിച്ച് ഭരണം നിലനിർത്തിയത്. 101 സീറ്റിൽ ബിജെപിയും 78 സീറ്റിൽ കോണ്‍ഗ്രസും ലീഡ് ചെയ്തു.