തിരുവനന്തപുരം: ജസ്‌ന തിരോധാന കേസിൽ തുടരന്വേഷണം നടത്താൻ തിരുവനന്തപുരം സിജെഎം കോടതി ഉത്തരവിട്ടു. ജസ്‌നയുടെ പിതാവ് ജെയിംസ് സമർപ്പിച്ച ഹർജിയിലാണ് നടപടി. പിതാവ് നൽകിയ പുതിയ തെളിവുകളുടെ അടിസ്ഥാനത്തിൽ അന്വേഷണം നടത്തണമെന്ന് കോടതി ഉത്തരവിട്ടു.
സിബിഐ നടത്തുന്ന അന്വേഷണം കാര്യക്ഷമമല്ലെന്ന് ചൂണ്ടിക്കാട്ടി ജെയിംസ് സിജെഎം കോടതിയിൽ ഹർജി നൽകിയിരുന്നു. മുദ്രവച്ച കവറിൽ കേസിലെ തെളിവുകളും പിതാവ് കോടതിക്ക് കൈമാറി. ജസ്‌ന ജീവിച്ചിരിപ്പില്ലെന്നും അജ്ഞാത സുഹൃത്തിനെക്കുറിച്ചുള്ള വിവരങ്ങൾ രഹസ്യമായി കൈമാറാമെന്നും ജെയിംസ് കോടതിയെ അറിയിച്ചിരുന്നു.
തുടർന്ന്, കേസ് ഡയറി ഹാജരാക്കാൻ സിബിഐക്ക് കോടതി നിർദ്ദേശം നൽകി. പിതാവ് ഹാജരാക്കിയ തെളിവുകൾ സിബിഐ നേരത്തെ പരിഗണിച്ചിട്ടില്ലെങ്കിൽ, തുടരന്വേഷണത്തിന് ഉത്തരവിടുമെന്ന് കോടതി വ്യക്തമാക്കി.
ജസ്‌ന 2012 സെപ്റ്റംബർ 23 ന് കേരളത്തിലെ കൊട്ടയത്തുനിന്ന് അപ്രത്യക്ഷയായി. അന്വേഷണം ഏറ്റെടുത്ത സിബിഐ ഇതുവരെ കാര്യമായ പുരോഗതി കൈവരിച്ചിട്ടില്ല. ഈ സാഹചര്യത്തിലാണ് ജസ്‌നയുടെ പിതാവ് തുടരന്വേഷണം ആവശ്യപ്പെട്ട് കോടതിയെ സമീപിച്ചത്.