വയലിനിസ്റ്റ് ബാലഭാസ്‌ക്കിന്റെ മരണത്തിലെ ദുരൂഹതകൾ അന്വേഷിക്കണം എന്നാവശ്യപ്പെട്ട് ബാലഭാസ്കറിന്റ അച്ഛൻ ഡിജിപി യ്കും മുഖ്യമന്ത്രിക്കും കത്ത് നൽകി.
വാഹനം ഓടിച്ചത് ആരാണെന്ന കാര്യത്തിൽ വ്യക്തതയില്ല, തിടുക്കത്തിൽ തിരുവനന്തപുരത്തേക്ക് വന്നതെന്തിന്, മൊഴികളിലെ വൈരുധ്യം എന്നീ കാര്യങ്ങളിലെ ദുരൂഹത നീങ്ങണം കൂടാതെ പാലക്കാട് ആയുർവേദ ആശുപത്രിയിൽ സാമ്പത്തിക ഇടപാട് ഉണ്ടോ എന്നും അന്വേഷിക്കണം എന്ന് കത്തിൽ പറയുന്നു.
വാഹനാപകടത്തിൽ ഗുരുതരമായി പരിക്കേറ്റ ബാലഭാസ്കർ ഒക്ടോബർ 2 ന് പുലർച്ചെയാണ് ചികിത്സയിലിരിക്കെ മരണമടഞ്ഞത്. അപകടത്തിൽ മകൾ തേജസ്വനി ബാല സംഭവസ്ഥലത്തുവച്ചുതന്നെ മരണമടഞ്ഞിരുന്നു.