അംബാനി കുടുംബത്തിന് ആഘോഷത്തിന്റെ രാവുകളായിരുന്നു. വ്യവസായ പ്രമുഖൻ മുകേഷ് അംബാനിയുടെ ഇളയ മകൻ അനന്ത് അംബാനിയുടെ വിവാഹനിശ്ചയമായിരുന്നു ഇന്നലെ. അനന്തിന്റെ ബാല്യകാല സുഹൃത്തും പ്രണയിനിയുമായ രാധിക മെർച്ചന്റ് ആണ് വധു. വിവാഹ നിശ്ചയം ചടങ്ങിൽ പങ്കെടുക്കാൻ അഭിനേതാക്കളായ ദീപിക പദുകോൺ, ഐശ്വര്യ റായ് ബച്ചൻ, വരുൺ ധവാൻ, കത്രിന കൈഫ്‌, സാറാ അലിഖാൻ, ജോൺ അബ്രഹാം, ക്രിക്കറ്റ്‌ താരം സച്ചിൻ ടെൻഡുൽക്കർ ഭാര്യ അഞ്ജലി ചലച്ചിത്ര പ്രവർത്തകരായ രാജ്‌കുമാർ ഹിരാനി എന്നിവരടക്കം നിരവധി പ്രമുഖർ എത്തി ചേർന്നിരുന്നു.
വിവാഹ നിശ്ചയത്തിന്റെ ചിത്രങ്ങളാണ് സോഷ്യൽ മീഡിയയിൽ നിറഞ്ഞുനിൽക്കുന്നത്. സെലിബ്രിറ്റി ഡിസൈനർമാരായ ഗൗരി ഖാൻ, സന്ദീപ് ഖോസ് ല എന്നിവരും ചടങ്ങിനു എത്തിയിരുന്നു. ഫാർമസി ഗ്രൂപ്പായ എൻകോർ ഹെൽത്ത്‌ കെയർ പ്രൈവറ്റ് ലിമിറ്റഡ് കമ്പനിയുടെ സിഇഒ ആയ വീരൻ മെർച്ചന്റിന്റെ മകളാണ് രാധിക. ന്യൂയോർക്ക് യൂണിവേഴ്സിറ്റിൽ നിന്നും പൊളിറ്റിക്സ് ആൻഡ് ഇക്കണോമിക്സിൽ ബിരുദപഠനം നേടിയ രാധിക മികച്ചൊരു നർത്തകി കൂടിയാണ്. ഭാരതനാട്യം അടക്കമുള്ള ക്ലാസിക്കൽ നൃത്തകലകളിൽ രാധിക പ്രാവിണ്യം നേടിയിട്ടുണ്ട്. രാധികയുടെ ഗുരു ഭാവന താക്കാറാണ്. രാധിക തന്റെ കരിയർ ആദ്യമായി ആരംഭിച്ചത് റിയൽ എസ്റ്റേറ്റ് ശൃംഖലയായ ഇസ്പ്രാവയിൽ സെയിൽസ് എക്സിക്യൂട്ടീവ് ആയിട്ടാണ്. ഇപ്പോൾ എൻകോർ ഹെൽത്ത്‌കെയർ ഡയറക്ടർ ബോർഡ്‌ അംഗമാണ്.