മേഘാലയ, നാഗാലാൻഡ്, ത്രിപുര തെരഞ്ഞെടുപ്പ് തീയതികൾ പ്രഖ്യാപിച്ചു

മേഘാലയ, നാഗാലാൻഡ്, ത്രിപുര എന്നീ സംസഥാനങ്ങളിലെ തെരഞ്ഞെടുപ്പ് തീയതികൾ തെരഞ്ഞെടുപ്പ് കമ്മീഷൻ പ്രഖ്യാപിച്ചു. മുഖ്യ തെരഞ്ഞെടുപ്പ് കമ്മീഷണർ എ.കെ.ജ്യോതിയാണ് തീയതികൾ പ്രഖ്യാപിച്ചത്.  ഒറ്റഘട്ടമായാണ് തെരഞ്ഞെടുപ്പ് നടത്തുന്നത്.  നാഗാലാൻഡ്, മേഘാലയ സംസ്ഥാനങ്ങളിൽ പോളിംഗ് ഫെബ്രുവരി 27-നും. ത്രിപുരയിൽ ഫെബ്രുവരി 18നും  വോട്ടെടുപ്പ് നടക്കും. മാർച്ച് മൂന്നിന് വോട്ടെണ്ണൽ നടക്കും. പൂർണമായും ഇലക്‌ട്രോണിക് വോട്ടിംഗ് യന്ത്രങ്ങളാവും തെരഞ്ഞെടുപ്പിന് ഉപയോഗിക്കുക. വിവിപാറ്റ് സംവിധാനവും ഉണ്ടായിരിക്കു൦.

മേഘാലയിൽ കോൺഗ്രസ്സ് ആണ് നിലവിൽ ഭരിക്കുന്നത്. ത്രിപുരയിൽ 1993 മുതൽ സി .പി . ഐ (എം ) ആണ് ഭരിക്കുന്നത്. ഈ രണ്ടു സംസ്ഥാനങ്ങളിലും സ്ഥാനം ഉറപ്പിക്കാൻ ബിജെപി ശ്രമിച്ചുവരികയാണ് . മൂന്നു നിയമസഭയും അറുപത൦ഗ നിയമസഭയാണ്.