തിരുവനന്തപുരം: സിപിഎം പാനൂര്‍ ഏരിയ കമ്മിറ്റിയംഗവും ടി പി ചന്ദ്രശേഖരന്റെ കൊലപാതകക്കേസിൽ ശിക്ഷിക്കപ്പെട്ട സിപിഎം നേതാവ് പി കെ കുഞ്ഞനന്തന്‍ വ്യാഴാഴ്ച രാത്രി അന്തരിച്ചു. കേസില്‍ 13-ാം പ്രതിയായിരുന്നു.
2019 ജനുവരി 14 മുതൽ തിരുവനന്തപുരം മെഡിക്കൽ കോളേജിൽ ചികിത്സയിലായിരുന്നു .അടിവയറ്റിലെ അണുബാധ രൂക്ഷമായതിനെ തുടർന്ന് ഞായറാഴ്ച പി കെ കുഞ്ഞനന്തനെ തീവ്രപരിചരണ വിഭാഗത്തിൽ പ്രവേശിപ്പിച്ചു. കഴിഞ്ഞ ദിവസം മുഖ്യമന്ത്രി പിണറായി വിജയനും ആശുപത്രിയിലെത്തി കുഞ്ഞനന്തനെ സന്ദര്‍ശിച്ചിരുന്നു.