കണ്ണൂര്‍ മട്ടന്നൂരില്‍ നാല് സിപിഎം പ്രവര്‍ത്തകര്‍ക്ക് വെട്ടേറ്റു. കാറില്‍ സഞ്ചരിക്കുകയായിരുന്ന സിപിഎം പ്രവർത്തകരെ ബൈക്കിലെത്തിയ സംഘം തടഞ്ഞുനിര്‍ത്തി വെട്ടിപരിക്കേല്‍പ്പിക്കുകയായിരുന്നു. ബൈക്കിലെത്തിയ അക്രമിസംഘം കാര്‍ അടിച്ചുതകര്‍ത്തിനു ശേഷം ലതീഷ്, ലനീഷ്, ശരത്ത്, ഷായൂഷ് എന്നിവരെ വെട്ടിപ്പരിക്കേൽപിക്കുകയായിരുന്നു .ആര്‍എസ്എസ് പ്രവർത്തകരാണ് ആക്രമണം നടത്തിയതെന്നാണ് സിപിഎം ഏരിയ നേതൃത്വം ആരോപിക്കുന്നത് .അക്രമികൾ സഞ്ചരിച്ച വടിവാളും ഇവര്‍ എത്തിയ ഒരു ബൈക്കും പോലീസ് കണ്ടെത്തിയിട്ടുണ്ട് .
