മുംബൈ: ഹിന്ദി നടൻ ശശികപൂർ (79) അന്തരിച്ചു. വാർധക്യസഹജമായ അസുഖത്തെ തുടർന്ന് തിങ്കളാഴ്ച മുംബൈയിലെ ആശുപത്രിയിലായിരുന്നു അന്ത്യം. ഏതാനും മാസങ്ങളായി ചികിത്സയിലായിരുന്നു.
പൃഥ്വിരാജ് കപൂറിന്‍റെ മകനായി പ്രശസ്തമായ കപൂര്‍ കുടുംബത്തിൽ 1938 മാര്‍ച്ച് 18 ന് ജനിച്ചു. അറുപതുകളിലെ യുവത്വത്തിന്‍റെ ഹൃദയമിടിപ്പായിരുന്നു ബൽബീൽ രാജ് കപൂർ എന്ന ശശികപൂർ.
2011ൽ പദ്മഭൂഷൺ നൽകി രാജ്യം ആദരിച്ചിട്ടുണ്ട്. 2014ൽ ചലച്ചിത്ര ലോകത്തെ സമഗ്ര സംഭാവനയ്ക്കുള്ള ദാദാ സാഹബ് ഫാൽക്കെ പുരസ്കാരവും നേടി.