വയലിനിസ്റ്റ് ബലഭാസ്കർ(40 ) അന്തരിച്ചു. വാഹനാപകടത്തെ തുടർന്ന് ചികിത്സയിലായിരുന്നു അദ്ദേഹം. ചികിത്സക്കിടയിലുണ്ടായ ഹൃദയഘാതമാണ് മരണകാരണം. പുലർച്ചെ 12:55 നായിരുന്നു അന്ത്യം.
സെപ്തംബർ 25നുണ്ടായ വാഹനാപകടത്തിൽ മകൾ തേജസ്വിനി ബാല മരിച്ചിരുന്നു. ഭാര്യ ലക്ഷ്മി, വാഹനം ഓടിച്ച സുഹൃത്ത് അർജുൻ എന്നിവർ ചികിത്സയിൽ തുടരുകയാണ്.
തിരുമല സ്വദേശി ചന്ദ്രൻ ആണ് അച്ഛൻ. അമ്മ ശാന്തകുമാരി. സഹോദരി മീര. മൃതദേഹം പോസ്റ്റുമോർട്ടത്തിനു ശേഷം ഇന്ന് ഉച്ചകഴിഞ്ഞു സംസ്കാരചടങ്ങുകൾ നടക്കും.