തിരുവനന്തപുരം: ആറ്റുകാലമ്മയ്ക്ക് ഇന്ന് ഭക്തജനങ്ങളുടെ പൊങ്കാല സമർപ്പണം. പൊങ്കാലയ്ക്കായി തിരുവനന്തപുത്ത് ആയിരക്കണക്കിന് ഭക്തജനങ്ങളാണ് എത്തിച്ചേർന്നിരിക്കുന്നത്.
ഉച്ചയ്ക്ക് 2.30ന് ആണ് പൊങ്കാല നിവേദിക്കുന്നത്. ഈ സമയത്ത് ആകാശത്തു നിന്ന് പുഷ്പവൃഷ്ടി നടത്തും. പൊങ്കാല നിവേദിക്കുന്നതിന് 55 സഹപൂജാരിമാരെ നിയോഗിച്ചിട്ടുണ്ട്. പുലർച്ചെ മുതൽ ബാലികമാരുടെ നേർച്ചയായ താലപ്പൊലി ആരംഭിച്ചിട്ടുണ്ട്. രാത്രി 7.45ന് കുത്തിയോട്ടം ആരംഭിക്കമ്പോൾ ക്ഷേത്രാങ്കണത്തിൽ വ്രതമെടുത്തു കഴിയുന്ന ബാലന്മാർക്ക് ചൂരൽ കുത്താനാരംഭിക്കും. രാത്രി ഭഗവതിയുടെ തിടന്പുമായി പുറത്തേക്കെഴുന്നള്ളത്ത് ആരംഭിക്കും.
രാത്രി ഒന്പതിന് കാപ്പഴിക്കും. രാത്രി 12.30ന് കുരുതിയോടെ ആറ്റുകാലമ്മയുടെ തിരുസന്നിധിയിൽ ഉത്സവത്തിന് സമാപനമാകും.