തൃശൂർ : അമ്മയുടെ വാര്‍ഷിക ജനറല്‍ ബോഡി യോഗത്തിന് ശേഷം നടത്തിയ വാര്‍ത്താ സമ്മേളനത്തില്‍ ഗണേഷ് കുമാറും മുകേഷും മോശമായി സംസാരിച്ചതിനും അമ്മ ഭാരവാഹികള്‍ കൂവിയതിനും അമ്മ പ്രസിഡന്‍റ് ഇന്നസെന്‍റ് മാപ്പ് പറഞ്ഞു . തൃശൂരിലെ വസതിയിൽ മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം. താൻ രാജിവെക്കുന്നു എന്ന വാർത്ത വ്യാജമാണെന്നും അമ്മ പ്രസിഡന്‍റ് സ്ഥാനം രാജിവക്കില്ലെന്നും കള്ളവാര്‍ത്തയാണ് മാധ്യമങ്ങള്‍ പ്രചരിപ്പിക്കുന്നത് എന്നും അദ്ദേഹം വാർത്താ സമ്മേളനത്തിൽ പറഞ്ഞു .അമ്മ ഇരയായ നടിയുടെ കൂടിയാണെന്നും ആരോപണങ്ങള്‍ ദിലീപ് നിഷേധിച്ചിട്ടുണ്ടെന്നും , അമ്മയെക്കുറിച്ച് ജനങ്ങള്‍ തെറ്റിദ്ധരിച്ചിരിക്കുകയാണ് എന്നും ഇന്നസെന്‍റ് കൂട്ടിച്ചേര്‍ത്തു.