ബോബന്‍ സാമുവല്‍ തിരക്കഥയെഴുതി സംവിധാനം ചെയ്യുന്ന അല്‍ മല്ലു ജനുവരി 10 ന് തിയേറ്ററുകളിലെത്തും. ജനപ്രിയന്‍, റോമന്‍സ്, ഹാപ്പി ജേര്‍ണി, ഷാജഹാനും പരീക്കുട്ടിയും, വികടകുമാരന്‍ എന്നിവയ്ക്ക് ശേഷം ബോബന്‍ സാമുവല്‍ ഒരുക്കുന്ന ചിത്രമാണ് അല്‍ മല്ലു. നമിത പ്രമോദ് ആണ് ചിത്രത്തിലെ നായിക. നവാഗതനായ ഫാരിസാണ് നായകന്‍. ദുബായ്-അബുദാബി എന്നിവിടങ്ങളില്‍ ചിത്രീകരിച്ച അല്‍ മല്ലുവില്‍ പ്രവാസ ലോകത്തെ കഥയാണ് ചിത്രം പറയുന്നത്.
നാടും വീടും ഉപേക്ഷിച്ചു അന്യനാട്ടില്‍ പോയി ജോലി ചെയ്യുന്ന ഒരു പെണ്‍കുട്ടി നേരിടുന്ന വെല്ലുവിളികളും അവളുടെ ജീവിതാവസ്ഥകളും ആണ് ഈ ചിത്രം പറയാനൊരുങ്ങുന്നതെന്നാണ് സൂചന.
മിയ, സിദ്ദിഖ്, മിഥുന്‍ രമേശ്, ധര്‍മ്മജന്‍ ബോള്‍ഗാട്ടി, മാധുരി, ഷീലു ഏബ്രഹാം, സിനില്‍ സൈനുദ്ദീന്‍, വരദ, ജെന്നിഫര്‍ എന്നിവരാണ് പ്രധാന അഭിനേതാക്കള്‍. മെഹ്ഫില്‍ പ്രൊഡക്ഷന്‍സിന്റെ ബാനറില്‍ സജില്‍സ് മജീദാണ് ചിത്രം നിര്‍മ്മിക്കുന്നത്. സംഗീതം രഞ്ജിന്‍ രാജ്. ഛായാഗ്രഹണം വിവേക് മേനോന്‍.