നടൻ അറസ്റ്റിലായതുമായി ബന്ധപ്പെട്ട് തനിക്കെതിരായ തെറ്റായ പ്രചാരണം ഒഴിവാക്കണമെന്ന് ആക്രമണത്തിനിരയായ നടി.കേസിൽ പ്രതിചേർക്കപ്പെട്ട ആരുമായും തനിക്ക് ഭൂമിയിടപാടില്ല എന്നും . ഇതുമായി ബന്ധപ്പെട്ട ഏത് അന്വേഷണത്തിനും രേഖകൾ ഹാജരാക്കാൻ തയാറാണ്. ദിലീപുമായി വ്യക്തിപരമായ ചില പ്രശ്നങ്ങളുണ്ടായിരുന്നു.സോഷ്യല്‍ മീഡിയയില്‍ തനിക്ക് അക്കൗണ്ട് ഇല്ല എന്നും . തന്റെ പേരിലുള്ള അക്കൗണ്ടുകളും വീഡിയോകളും പ്രചരിക്കുന്നത് തന്റെ അറിവോടുകൂടിയല്ല എന്നും .
‘തുടർച്ചയായി ഇത്തരം ആരോപണങ്ങൾ വരുന്നതുകൊണ്ടാണ് ഇതുപറയേണ്ടി വന്നത്. പ്രമുഖ നടനുമായി കുടുംബപരമായ സൗഹൃദമുണ്ടായിരുന്നു. അത് കുറച്ചുനാളുകൾക്ക് ശേഷം ഇല്ലാതാകുകയും ചെയ്തു. ഇത് എല്ലാവർക്കും അറിയാവുന്നതാണ്. ഇതല്ലാതെ മറ്റു ബിസിനസ് ബന്ധങ്ങൾ ആരുമായും ഉണ്ടായിട്ടില്ല. എന്നെ ഉപദ്രവിച്ചവരുടെ പേരുവിവരങ്ങൾ ഒരിടത്തും പറഞ്ഞിട്ടുമില്ല. അറസ്റ്റ് ചെയ്യപ്പെട്ടവര്‍ കുറ്റവാളികൾ ആണെങ്കിൽ ശിക്ഷിക്കപ്പെടുകയും നിരപരാധികൾ ആണെങ്കിൽ അവർ കുറ്റവിമുക്തരായി പുറത്തുവരുകയും വേണമെന്നാണ് എന്റെ ആഗ്രഹം’ – എന്ന് പറഞ്ഞാണ് വാർത്താക്കുറിപ്പ് നടി അവസാനിപ്പിക്കുന്നത്.
