കൊച്ചി: നെടുമ്പാശ്ശേരി വിമാനത്താവളത്തില്‍ യാത്രക്കാരന്റെ ബാഗില്‍ നിന്ന് ആറ് തോക്കുകള്‍ പിടികൂടി.ദുബായില്‍ നിന്നുള്ള വിമാനത്തിലെത്തിയ പാലക്കാട് സ്വദേശിയായ യാത്രക്കാരന്റെ ബാഗില്‍ നിന്നാണ് തോക്കുകള്‍ കണ്ടെടുത്തത്. ഇന്ന് പുലര്‍ച്ചെ ദുബായില്‍ നിന്നുള്ള വിമാനത്തിലെത്തിയ യാത്രക്കാരനില്‍ നിന്നാണ് തോക്കുകള്‍ കണ്ടെടുത്തത്.
തോക്ക് പല ഭാഗങ്ങളാക്കിയാണ് ബാഗില്‍ ഒളിപ്പിച്ചിരുന്നത്. പരിശോധനയ്ക്കിടെ കസ്റ്റംസ് ഉദ്യോഗസ്ഥരാണ്
തോക്കുകള്‍ കണ്ടെടുത്തത്.ഇവ എയര്‍ ഗണ്ണുകള്‍ ആണെന്നും പാലക്കാട്ടെ ഒരു റൈഫിള്‍ ക്ലബിലേയ്ക്കാണ് ഇത്രയധികം തോക്കുകള്‍ കൊണ്ടുവന്നതെന്നും ചോദ്യം ചെയ്യലില്‍ ഇയാള്‍ കസ്റ്റംസ് ഉദ്യോഗസ്ഥരോട് പറഞ്ഞു.
തോക്കുകള്‍ ബാലിസ്റ്റിക് പരിശോധനയ്ക്ക് അയച്ചു. എന്നാല്‍ ഇയാള്‍ നേരത്തെയും ഇത്തരത്തില്‍ തോക്കുകള്‍ കടത്തിയിട്ടുണ്ടോയെന്ന് അന്വേഷണത്തിലാണ് പൊലീസ്.