ഗായിക വൈക്കം വിജയലക്ഷ്മി വിവാഹിതയാകുന്നു. ഒക്ടോബർ 22ന് വൈക്കം മഹാദേവ ക്ഷേത്രത്തിൽ വെച്ചാണ് വിവാഹം. കോട്ടയം പാലസ്വദേശി എൻ അനൂപ് ആണ് വരൻ. സെപ്തംബർ 10ന് വിജയലക്ഷ്മിയുടെ വീട്ടിൽ വെച്ച് വിവാഹനിശ്ചയം നടക്കും.
കൺസ്ട്രക്ഷൻ മേഖലയിൽ ജോലി ചെയ്യുകയാണ് അനൂപ്. ഒരു മിമിക്രി കലാകാരൻ കൂടിയായ അനൂപിന് സംഗീതത്തോടോടുള്ള താൽപര്യമാണ് ഇരുവരും തമ്മിൽ അടുക്കാൻ കാരണം.
സെല്ലുലോയ്ഡിലെ കാറ്റേ കാറ്റേ എന്ന ഗാനത്തിലൂടെയാണ് വിജയലക്ഷ്മി ശ്രദ്ധനേടുന്നത്. തുടർന്ന് മലയാളത്തിലും അന്യഭാഷകളിലും തന്റെ കഴിവ് തെളിയിച്ച ഗായികയാണ് വിജയലക്ഷ്മി.