തങ്കത്തിന്റെ പുതിയ ടീസർ പുറത്തിറങ്ങി. ഭാവന സ്റ്റുഡിയോസിന്റെ ബാനറിൽ ദിലീഷ് പോത്തൻ, ഫഹദ് ഫാസിൽ, ശ്യാം പുഷ്ക്കരൻ എന്നിവർ ചേർന്നു നിർമ്മിക്കുന്ന നാലാമത്തെ ചിത്രത്തിന്റെ ടീസറാണ് പുറത്തിറങ്ങിയത്. നവാഗതനായ സഹീദ് അരാഫത്താണ് ചിത്രത്തിന്റെ സംവിധാനം. ചിത്രത്തിന്റെ ഷൂട്ടിംഗിന്റെ ഇടയിലെ രസകരമായ തമാശകളാണ് അണിയറപ്രവർത്തകർ പങ്കുവെക്കുന്നത്.
ദംഗൽ, അഗ്ലി തുടങ്ങിയ ശ്രെദ്ധയങ്ങളായ ബോളിവുഡ് ചിത്രങ്ങളിലൂടെ മലയാളി പ്രേക്ഷകർക്കും സുപരിചിതമായ മറാത്തി നടനും തിരക്കഥകൃത്തുമായ ഗിരീഷ് കുൽക്കർണി മലയാളം സിനിമയിലേക്ക് ആദ്യമായി എത്തുന്നുവെന്ന പ്രേത്യേകതയും ചിത്രത്തിനുണ്ട്.
ബിജു മേനോൻ, വിനീത് ശ്രീനിവാസൻ, കൊച്ചുപ്രേമൻ, അപർണ ബാലമുരളി, ഗിരീഷ് കുൽക്കർണി എന്നിവർ പ്രധാന വേഷങ്ങളിൽ എത്തുന്ന ചിത്രത്തിൽ വിനീത് തട്ടിൽ, ശ്രീകാന്ത് മുരളി തുടങ്ങിയവരും നിരവധി മറാത്തി, ഹിന്ദി, തമിഴ് അഭിനേതാക്കളും പ്രധാന കഥാപാത്രങ്ങളിലുണ്ട്. ജോജിക്കു ശേഷം ശ്യാം പുഷ്ക്കരൻ തിരക്കഥയൊരുക്കുന്ന ചിത്രം കൂടിയാണ് തങ്കം.
ചിത്രത്തിന്റെ ക്യാമറ ഗൗതം ശങ്കറാണ് നിർവഹിച്ചിരിക്കുന്നത്. ഭാവന റിലീസിലാണ് ചിത്രം തീയേറ്ററുകളിൽ എത്തിക്കുന്നത്. സംഗീതം ബിജി ബാലാണ്, എഡിറ്റിംഗ് കിരൺ ദാസും, മേക്കപ്പ് റോണക്സ് സേവിയറും, സൗണ്ട് ഡിസൈൻ ഗണേഷും, കലാ സംവിധാനം ഗോകുൽ ദാസുമാണ് നിർവഹിച്ചത്.