മലയാളത്തിന്റെ ആക്ഷന്‍ കിംഗ് സുരേഷ് ഗോപിയ്ക്ക് ഇന്ന് അറുപത്തിയൊന്നാം ജന്മദിനം. സുരേഷ് ഗോപിയുടെ ജന്മദിനത്തില്‍ തന്നെ അദ്ദേഹത്തിന്റെ ഇരുന്നൂറ്റിയമ്പതാം ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു.
നരച്ച താടിയും കട്ടിമീശയുമുള്ള സുരേഷ് ഗോപിയുടെ ഫോട്ടോയാണ് പോസ്റ്ററിലുള്ളത്. ആക്ഷനും മാസ് ഡയലോഗുകള്‍ ആവര്‍ത്തിക്കുന്നതുമായ ചിത്രമായിരിക്കും ഇതെന്നാണ് കരുതുന്നത്. സുരേഷ് ഗോപിയുടെ ഫോട്ടോയ്ക്ക് ഒട്ടേറെ ആരാധകരാണ് കമന്റുകളുമായി എത്തുന്നത്. കടുവാക്കുന്നേല്‍ കുറുവച്ചന്‍ കോട്ടയം അച്ചായന്റെ വേഷത്തിലാണ് സുരേഷ് ഗോപി ചിത്രത്തില്‍ എത്തുന്നത്. ചിത്രത്തിന്റെ പ്രമേയം എന്തെന്ന് വ്യക്തമാക്കിയിട്ടില്ല. എന്തായാലും കുടുംബപ്രേക്ഷകര്‍ക്കും ഇഷ്ടപ്പെടുന്ന ചിത്രമായിരിക്കും ഇത്. മാത്യൂസ് തോമസാണ് ചിത്രം സംവിധാനം ചെയ്യുന്നത്. സി ഐ എ, പാവാട തുടങ്ങിയ സിനിമകള്‍ക്ക് തിരക്കഥയെഴുതിയ ഷിബിന്‍ ഫ്രാന്‍സിസ് ആണ് തിരക്കഥ. ടോമിച്ചന്‍ മുളകുപാടം ആണ് ചിത്രം നിര്‍മ്മിക്കുന്നത്.