നവാഗതനായ സക്കറിയ സംവിധാനം ചെയ്യുന്ന സൗബിന്‍ സാഹിർ കേന്ദ്ര കഥാപാത്രമായെത്തുന്ന “സുഡാനി ഫ്രം നൈജീരിയ”യുടെ ട്രെയിലര്‍ എത്തി. മലപ്പുറത്തെ സെവന്‍സ് ഫുട്‌ബോള്‍ ആവേശം ഒട്ടും ചോരാതെ അഭ്രപാളിയിലെത്തിച്ച് ട്രെയിലര്‍ യൂട്യൂബിൽ തരംഗമാകുന്നു.
ചിത്രത്തിൽ സൗബിനൊപ്പം നൈജീരിയന്‍ നടനായ സാമുവല്‍ റോബിന്‍സണും കളം നിറഞ്ഞ് കളിയ്ക്കാനെത്തും.
സമീര്‍ താഹിറും ഷൈജു ഖാലിദുമാണ് ചിത്രം നിര്‍മിക്കുന്നത്. ചിത്രത്തിനു വേണ്ടി തിരക്കഥ ഒരുക്കുന്നത് ‘കെ.എല്‍10 പത്തി’ലൂടെ ശ്രദ്ധേയനായ മുഹ്‌സിന പരാരിയും സംവിധായകന്‍ സക്കറിയയും ചേര്‍ന്നാണ്. ക്യാമറ ഷൈജു ഖാലിദ്.