തമിഴ് സിനിമയിൽ നായകന്മാരെ പോലെ ഹീറോയിസമുള്ള കഥാപാത്രങ്ങൾ അവതരിപ്പിച്ചു പ്രശസ്തരായ നടിമാർ ഏറെയാണ് . വിജയശാന്തിയിൽ തുടങ്ങി നയൻ‌താര, ടാപ്‌സി , ജ്യോതിക എന്നിവർ ഉദാഹരണം . ഇവരുടെയൊക്കെ സിനിമകൾ ബോക്‌സ് ഓഫീസിൽ വിജയങ്ങളുമായിരുന്നു . ഇപ്പോൾ ഈ നിരയിൽ പുതുതായി സ്ഥാനം നേടുന്ന നടി ഹൻസികയാണ് . ഹൻസിക അഭിനയിക്കുന്ന ,നായികാ പ്രാധാന്യമുള്ള ഈ പുതിയ പേരിടാ സിനിമയുടെ ഏറ്റവും വലിയ പ്രത്യേകത പ്രശസ്‌ത ക്രിക്കറ്റ് താരം ശ്രീശാന്ത് ഈ ചിത്രത്തിലൂടെ പ്രതി നായക കഥാപാത്രത്തെ അവതരിപ്പിച്ചു കൊണ്ട് തമിഴിൽ അരങ്ങേറ്റം കുറിക്കുന്നു എന്നതാണ് .
ഹാസ്യ നടൻ യോഗി ബാബുവിന് നായകനായി സ്ഥാനക്കയറ്റം നൽകി ധർമ്മ പ്രഭു എന്ന സിനിമ നിർമ്മിച്ച പി.രംഗനാഥനാണ് ശ്രീ വാരി പിക്‌ചേഴ്‌സിന്റെ ബാനറിൽ ചിത്രം നിർമ്മിക്കുന്നത് . അംബിളി ,ആ (AAAH ),ജംബുലിംഗം എന്നീ സിനിമകൾ സംവിധാനം ചെയ്‌തിട്ടുള്ള ഹരി – ഹരീഷ് ഇരട്ടകളാണ് സംവിധായകർ .ഡിസംബറിൽ ചിത്രീകരണം തുടങ്ങുന്ന സിനിമയുടെ പ്രമേയം ഒരു ഹൊറർ കോമഡി പ്രേത കഥയത്രേ.
# സി .കെ .അജയ് കുമാർ ,പി ആർ