പ്രിയങ്ക – നിക്ക് വിവാഹ നിശ്ചയം കഴിഞ്ഞു ?!

താരസുന്ദരി പ്രിയങ്ക ചോപ്രയും ഗായകൻ നിക്ക് ജോനാസും തമ്മിലുള്ള വിവാഹനിശ്ചയം കഴിഞ്ഞെന്ന് വിദേശ മാധ്യമങ്ങളിൽ വാർത്ത. പ്രിയങ്കയുടെ മുപ്പത്തിയാറാം ജന്മദിനാഘോഷങ്ങൾക്കായി നിക്കും സുഹൃത്തുക്കളും അടുത്ത ബന്ധുക്കളും ലണ്ടനിലെത്തിയിരുന്നു. ഈ ആഘോഷങ്ങൾക്കിടെയായിരുന്നു വിവാഹനിശ്ചയവും എന്നാണ് റിപ്പോർട്ട്.

കഴിഞ്ഞ ദിവസം സംവിധായകൻ അലി അബ്ബാസ് സഫർ തന്റെ ട്വിറ്റെർ പേജിൽ കുറിച്ച കുറിപ്പും ഈ വാർത്ത ശരിവെയ്ക്കുന്നതാണ്. സൽമാൻ ഖാൻ ചിത്രം ഭാരതിൽ നിന്ന് പ്രിയങ്ക പിന്മാറിയെന്നും ഇതിനുള്ള കാരണം വളരെ സ്പെഷ്യൽ ആണെന്നുമാണ് സഫർ കുറിച്ചത്.