നാനിയുടെ പുതിയചിത്രം ആന്റെ സുന്ദരനികി പ്രദർശനത്തിനൊരുങ്ങുന്നു. ചിത്രത്തിൽ നാനി പരമ്പരാഗത കുടുംബത്തിലെ ഒരു സാധാരണ ബ്രാഹ്മണ ആൺകുട്ടിയുടെ വേഷം അവതരിപ്പിക്കുന്നു. ഈ റൊമാന്റിക് ഡ്രാമ ജൂൺ 10 ന് തിയേറ്ററുകളിൽ എത്തും, അതിനാൽ ചിത്രത്തിന്റെ പ്രമോഷനുകൾ ടീം ആരംഭിച്ചു.
“പ്രദർശനം ആരംഭിക്കട്ടെ” എന്ന കുറിപ്പോടെ പുതിയ ചിത്രത്തിലെ തന്റെ ലുക്ക് നാനി സോഷ്യൽ മീഡിയയിൽ പങ്കുവെച്ചു.
നാനിയുടെ കഥാപാത്രമായ സുന്ദറിന്റെ ജീവിതത്തിന്റെ പ്രിവ്യൂ എന്ന നിലയിൽ രംഗോ രംഗ എന്ന ഗാനം പുറത്തുവിട്ട് ചിത്രത്തിന്റെ ടീം പറയുന്നത് ഇങ്ങനെ . “നമ്മൾ ആഗ്രഹിക്കുന്നതുപോലെയല്ല കാര്യങ്ങൾ നടക്കുന്നത്, സുന്ദറിന്റെ കാര്യത്തിലും അങ്ങനെ തന്നെ.”
നസ്രിയ നസീമിന്റെ ആദ്യ തെലുങ്ക് ചിത്രം കൂടിയാണ് ഇത്. ഏറെ പ്രതീക്ഷയോടെ കാത്തിരിക്കുന്ന ഈ ചിത്രത്തിൽ ഹർഷ വർദ്ധൻ, സുഹാസ്, നദിയ, രാഹുൽ രാമകൃഷ്ണ, നരേഷ്, ശ്രീകാന്ത് അയ്യങ്കാർ, രോഹിണി, പൃഥ്വി രാജ് (Prudhvi Raj) എന്നിവരും പ്രധാന വേഷങ്ങളിൽ എത്തും.
English Summary : Nani set to entertain fans as Sundara