മലയാളത്തിന്റെ പ്രിയപ്പെട്ട താരമാണ് പൃഥ്വിരാജ്. കരിയറിലെ തന്നെ ഏറ്റവും പ്രധാനപ്പെട്ട ഒരു സിനിമയുടെ ചിത്രീകരണത്തിനായി ജോര്‍ദാനിലാണ് പൃഥ്വിയിപ്പോള്‍. ബ്ലസി സംവിധാനം ചെയ്യുന്ന ആടുജീവിതത്തിന്റെ എന്ന ചിത്രത്തിലെ കഥാപാത്രത്തിനായി ശരീരഭാരം വരെ പൃഥി കുറച്ചിരുന്നു. പൃഥിയുടെ കരിയറിലെ ബെസ്റ്റ് സിനിമയാവും ഇതെന്നാണ് ആരാധകരും പറയുന്നത്.
പൃഥ്വിരാജിനെ വല്ലാതെ മിസ് ചെയ്യുന്നുവെന്നാണ് ഇപ്പോള്‍ ഭാര്യ സുപ്രിയ മേനോന്‍ പറയുന്നത്.
കോവിഡ് കാലത്തായിരുന്നു പൃഥ്വിരാജ് ജോര്‍ദാനിലേക്ക് പോയത്. അവിടെയും ലോക്ക് ഡൗണ്‍ പ്രഖ്യാപിച്ചതോടെ താരവും സംഘവും അവിടെ കുടുങ്ങി. കേന്ദ്ര- കേരള സര്‍ക്കാരുകള്‍ ഇടപെട്ട് ചിത്രീകരണസംഘത്തിന് ജോര്‍ദാനില്‍ തുടരാന്‍ വേണ്ട കാര്യങ്ങള്‍ ചെയ്തുകൊടുത്തിരുന്നു. മേയ്‌ക്കോവറില്‍ വലിയ മാറ്റത്തോടെയാണ് പൃഥ്വിരാജ് ചിത്രത്തില്‍ അഭിനയിക്കുന്നത്. മെലിഞ്ഞ് താടിയും മുടിയുമൊക്കെ നീട്ടിയാണ് പൃഥ്വിരാജ് രൂപമാറ്റം നടത്തിയത്. അത്തരമൊരു ഫോട്ടോയാണ് സുപ്രിയ മേനോന്‍ ഷെയര്‍ ചെയ്തിരിക്കുന്നതും.