ദേഹാസ്വാസ്ഥ്യം; നടന്‍ ശ്രീനിവാസന്‍ ആശുപത്രിയില്‍

കൊച്ചി: നടന്‍ ശ്രീനിവാസനെ ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്ന് ആശുപത്രിയില്‍ പ്രവേശിപ്പിച്ചു. അങ്കമാലി എല്‍ എഫ് ആശുപത്രിയിലാണ് ശ്രീനിവാസനെ പ്രവേശിപ്പിച്ചിരിക്കുന്നത്. ഇന്നലെ വൈകിട്ട് നെടുമ്പാശേരി അന്താരാഷ്ട്ര വിമാനത്താവളത്തില്‍ വെച്ചാണ് സംഭവം. ചെന്നൈയിലേക്ക് പോകാന്‍ പരിശോധനകളെല്ലാം പൂര്‍ത്തിയാക്കി വിമാനത്തില്‍ കയറാനൊരുങ്ങവേയായിരുന്നു സംഭവം. എല്‍.എഫ് ആശുപത്രിയില്‍ പ്രാഥമിക ചികിത്സകള്‍ നല്‍കിയ ശേഷം എറണാകുളത്തെ സ്വകാര്യ ആശുപത്രിയായ ആസ്റ്റര്‍ മെഡിസിറ്റിയിലേക്ക് മാറ്റി. ആസ്റ്റര്‍ മെഡിസിറ്റിയില്‍ നേരത്തെ മുതല്‍ ചികിത്സയിലാണ് ശ്രീനിവാസന്‍. താരം ആരോഗ്യനില വീണ്ടെടുക്കുന്നതായാണ് വിവരം.