വി.കെ പ്രകാശ് അനൂപ് മേനോൻ കൂട്ടുകെട്ട് വീണ്ടും !

വി.കെ പ്രകാശ് സംവിധാനം ചെയ്യുന്ന പുതിയ ചിത്രത്തിന് തിരക്കഥ ഒരുക്കുന്നത് അനൂപ് മേനോൻ. “മദ്രാസ് ലോഡ്ജ്” എന്ന് പേരിട്ടിരിക്കുന്ന ചിത്രത്തിൽ ജയസൂര്യ ആണ് നായകൻ. നോബിൾ ജോസ് ആണ് ചിത്രം നിർമ്മിക്കുന്നത്.

ട്രിവാൻഡ്രം ലോഡ്ജിനുശേഷം വി.കെ പ്രകാശും അനൂപ് മേനോനും ഒരുമിക്കുന്ന ചിത്രം കൂടിയാണ് മദ്രാസ് ലോഡ്ജ്. പേരിന് സാമ്യം ഉണ്ടെങ്കിലും ഈ ചിത്രം ട്രിവാൻഡ്രം ലോഡ്ജിന്റെ രണ്ടാം ഭാഗമല്ല. അനൂപ് മേനോൻ തന്നെയാണ് തന്റെ സോഷ്യൽ മീഡിയ പേജിലൂടെ പുതിയ ചിത്രത്തിന്റെ വിവരം പങ്കുവച്ചത്. ചിത്രത്തിന്റെ കൂടുതൽ വിവരങ്ങൾ പുറത്തുവിട്ടിട്ടില്ല.