മുംബൈ: ഇതിഹാസ ഗായിക ലതാ മങ്കേഷക്കറുടെ നില ഗുരുതരാവസ്ഥയില്‍ തുടരുന്നു. ശ്വസകോശത്തിലെ അണുബാധയെ തുടര്‍ന്ന് തിങ്കളാഴ്ച പുലര്‍ച്ചെയാണ് ഇവരെ മുംബൈയിലെ ബ്രീച്ച് കാന്‍ഡി ആശുപത്രിയില്‍ പ്രവേശിപ്പിച്ചത്.
90 കാരിയായ ലതാ മങ്കേഷ്‌കറിന്റെ ആരോഗ്യനില അതീവ ഗുരുതരമാണെന്നും വെന്റിലേറ്ററിലാണെന്നും ഡോക്ടര്‍മാര്‍ അറിയിച്ചു. അതിനിടക്ക് അവരുടെ നിലയില്‍ നേരിയ പുരോഗതിയുണ്ടെന്ന് ചികിത്സിക്കുന്ന ഇന്റേണല്‍ മെഡിസിന്‍ ഫിസിഷ്യന്‍ ഡോ. പ്രതിത് സമദാനി പറഞ്ഞിരുന്നു. എന്നാല്‍ വീണ്ടും നില കൂടുതല്‍ ഗുരുതരമായതിനെ തുടര്‍ന്നാണ് വെന്റിലേറ്ററിലേക്ക് മാറ്റിയത്. ഒരു ഭാഗത്തെ ഹൃദയകോശങ്ങളുടെ പ്രവര്‍ത്തനം നിലച്ച അവസ്ഥയിലാണെന്നും ന്യുമോണിയ ബാധിച്ചിട്ടുണ്ടെന്നും ഡോക്ടര്‍മാര്‍ അറിയിച്ചു.