പിന്നീട് എബ്രിഡ് ഷൈൻ ചിത്രം പൂമരത്തിലൂടെയായിരുന്നു കാളിദാസ് മലയാളത്തിൽ ആദ്യമായി നായകനായി എത്തിയത്. ചിത്രത്തിലെ കാളിദാസിന്റെ പ്രകടനo വളരെയധികം ശ്രദ്ധനേടി. പൂമരത്തിന് ശേഷം കാളിദാസിന്റെ മലയാള ചിത്രം ഏതെന്ന കാത്തിരിപ്പിന് വിരാമമിട്ട് തന്റെ പുതിയ ചിത്രത്തെ പറ്റി സോഷ്യൽ മീഡിയയിലൂടെ പ്രഖ്യാപിച്ചിരിക്കുകയാണ് താരം.
അൽഫോണ്സ് പുത്രൻ സംവിധാനം ചെയ്യുന്ന തമിഴ് ചിത്രത്തിനു ശേഷം കാളിദാസ് ജയറാം ജീത്തു ജോസഫ് ചിത്രത്തിൽ നായകനായി എത്തും. ഈ വർഷം അവസാനത്തോടെ ചിത്രീകരണം ആരംഭിക്കുന്ന ചിത്രത്തെ പറ്റി മറ്റ് വിവരങ്ങളൊന്നും പുറത്തുവിട്ടിട്ടില്ല.
പ്രണവ് മോഹൻലാൽ നായകനായി എത്തിയ ആദിയാണ് ജീത്തു ജോസഫ് അവസാനം സംവിധാനം ചെയ്ത ചിത്രം.