സംസ്ഥാനത്തെ പ്രധാനപാതകളിലെ സ്ഥിരം അപകടകേന്ദ്രങ്ങൾ എവിടെയെല്ലാമെന്ന് തിരിച്ചറിയാൻ സഹായിക്കുന്ന ഓൺലൈൻ മാപ്പുമായി മോട്ടോർ വാഹനവകുപ്പ്. ഗൂഗിൾ മാപ്പ് മുഖാന്തരമാണ് സംസ്ഥാനത്തെ 3,117 അപകടകേന്ദ്രങ്ങളെ തിരിച്ചറിയാനാവുക. അപകടങ്ങളുടെ തോതനുസരിച്ചു ചുവപ്പ്, മഞ്ഞ, ഓറഞ്ച് എന്നിങ്ങനെയുള്ള നിറത്തിലാണ് സ്ഥലങ്ങളെ അടയാളപ്പെടുത്തിയിട്ടുള്ളത്.
3 ക്ലസ്റ്ററുകളാക്കിയാണ് അപകടകേന്ദ്രങ്ങളെ തിരിച്ചിട്ടുള്ളത്. ഏറ്റവും അപകടങ്ങൾ കുടിയയിടം (ഹൈ റിസ്ക് ) മാസത്തിൽ പത്തിൽ കുറയാതെ അപകടങ്ങൾ നടക്കുന്നഇടം (മോഡറേറ്റ് റിസ്ക് ) അഞ്ചു അപകടങ്ങൾവരെ നടക്കുന്ന (ലോ റിസ്ക് ) എന്നി കേന്ദ്രങ്ങളാണ് മാപ്പിൽ അടയാളപ്പെടുത്തിട്ടുള്ളത്. ദേശിയ സംസ്ഥാന പാതകൾ, പ്രധാന ജില്ലാറോഡുകൾ, മറ്റ് റോഡുകൾ എന്നിവയിലെ അപകടങ്ങളും മാപ്പിലുണ്ട്.
ആദ്യം പാലക്കാട്‌ ജില്ലയിലെ അപകടകേന്ദ്രങ്ങളെ ഇത്തരത്തിൽ ഗൂഗിൾ മാപ്പിൽ ഉൾപ്പെടുത്തി അവതരിപ്പിച്ചിരുന്നു. ഇത് പൊതുജനങ്ങൾക്കു ഉപയോഗിക്കുന്നതിനായി പുറത്തുവിടുകയും ചെയ്തിരുന്നു. ഇതിനു തുടർച്ചയായാണ് സംസ്ഥാനത്തെ എല്ലാ അപകടകേന്ദ്രങ്ങളെയും മാപ്പിൽ ഉൾപെടുത്തിയത്.