ജെയിംസ് ആൻഡ് അലിസിന് ശേഷം സുജിത് വാസുദേവന്റെ സംവിധാനത്തിൽ അനുശ്രീ കേന്ദ്ര കഥാപാത്രത്തെ അവതരിപ്പിക്കുന്ന സിനിമയാണ് ഓട്ടോർഷ. ചിത്രത്തിൽ ഓട്ടോർഷ ഡ്രൈവർ ആയാണ് അനുശ്രീ വേഷമിടുന്നത്. ചിത്രത്തിന്റെ പ്രമോഷൻ ഭാഗമായി നടന്ന ഒരു ഇന്റർവ്യൂവിലാണ് അനുശ്രീ സുജിത് വാസുദേവിനോടുള്ള തന്റെ ശത്രുത പറഞ്ഞത്.
ഒരു റിയാലിറ്റി ഷോ വഴി അഭിനയ രംഗത്തെത്തിയ അനുശ്രീ തുടക്കത്തിൽ ഒരു സീരിയലിന്റെ ഒഡിഷനായി പോയിരുന്നു. അവിടെ അച്ഛൻ മരിക്കുമെന്നറിഞ്ഞ മകളുടെ വിഷമമാണ് അഭിനയിക്കാൻ പറഞ്ഞത്. തന്നാൽ കഴിയുന്ന വിധം അത് നന്നായി അനുശ്രീ അവതരിപ്പിച്ചു. എന്നാൽ ജഡ്ജ് ചെയ്യാനിരുന്ന വ്യക്തി അനുശ്രീയുടെ അഭിനയം കണ്ടിട്ട് തനിക്ക് പ്രത്യേകിച്ചൊന്നും തോന്നുന്നില്ല എന്ന് പറഞ്ഞു. ആ വാക്കുകൾ അനുശ്രീയ്ക്ക് വളരെയേറെ വിഷമം ഉണ്ടാക്കി. സുജിത് വാസുദേവായിരുന്നു അത്. അന്നുതൊട്ട് അനുശ്രീയ്ക്ക് സുജിത്തിനോട് ദേഷ്യമായിരുന്നു. ഈ സിനിമ ഉണ്ടയില്ലായിരുന്നെങ്കിൽ തന്റെ ദേഷ്യവും മാറില്ലായിരുന്നു എന്നാണ് അനുശ്രീ പറഞ്ഞത്.
നവംബര് ഇരുപത്തി മൂന്നാം തിയതി ഓട്ടോർഷ റിലീസിനെത്തും.